洪永城老婆晒DIY性感大肚寫真 四肢纖幼上圍升Cup 親揭長胎不長媽媽肉秘訣
發佈時間：11:30 2024-03-20
洪永城與太太梁諾妍（Inez）於2021年結婚，同年誕下女兒「Sir Face」洪靖嵐（Amber），至去年底宣布懷有第二胎，預產期為4月。卸貨在即的梁諾妍，昨晚（19日）於社交網分享一輯大肚寫真，並撰長文親揭「長胎不長媽媽肉」秘訣！
相關閱讀：洪永城老婆懷孕37周體重變輕？ 「Sir Face 2.0」最新超聲波輪廓曝光
洪永城太太梁諾妍DIY孕照：
有別第一胎請來專業團隊到影樓拍攝，梁諾妍直言今次時間倉促無暇出去影孕照，但又難得有些想法，於是昨日匆匆買了日落燈及Bra Top，花了一小時在家中Low cost留倩影。相中所見，雖然梁諾妍腹部已經籮咁大，但四肢依然纖幼，上圍更加明顯升Cup，輕鬆谷出深長事業線，獲一眾圈中好友紛紛大讚辣媽，佘詩曼說：「型媽。」連詩雅則謂：「好索呀！迫不及待想見Sir Face 2.0。」
梁諾妍陀二胎狂病胃口差
對於獲讚陀B仍毫無肥腫跡象，梁諾妍親自解說：「其實，陀BB都唔係大家想像咁輕鬆㗎，今胎的確比第一胎輕，現38週都係重咗差唔多22磅到，比生Sirface時重量係30磅都差好幾磅，但係2.0長胎比家姐好～出世都會比家姐重。不過今胎比第一胎都辛苦幾多，成個孕期中咗3次流感、新年後再中埋covid（冇咩藥可以食，只可以自然療法），呢2日仲要腸胃炎係咁屙到脫水發燒，而今胎胎盤高啲，就成日頂住個胃，搞到食多少少就想嘔，但係撇除呢啲，當然我飲食習慣同第一胎係有分別嘅。」
洪永城一家三口溫馨照：
她續指，今次懷孕期間進行「168」間歇性斷食，加上攝取高蛋白質少碳水及適量運動，才能維持「長胎不長媽媽肉」，梁諾妍說：「雖然成日都好想飲珍珠奶茶，但係我嘅珍奶都會嗌無糖／微糖，純粹過吓口癮。講咗咁耐，都係想讚美一下所有媽媽，媽媽真係好偉大，十月懷胎嘅辛苦感受到晒，不過所有嘢都係值得的，寶寶健康就係父母最想見到嘅，除咗要錫自己媽媽多啲，所有老公一定一定要再錫老婆多啲呀！！！！媽媽加油，我哋繼續互相扶持。」
洪永城冧讚梁諾妍：最漂亮孕媽
身形如此Fit，難怪洪永城日前都忍不住公開冧爆道：「都就嚟生，但係點樣你都唔似有小朋友？你是否騙我？最漂亮的懷孕媽媽，最喜歡夜晚飲珍珠奶茶的媽媽。#做運動真係唔同啲」此外，梁諾妍昨日又於IG Story貼出Sir Face 2.0超聲波圖，可見「Sir Face」基因強大，連她也再一次驚嘆「2.0無誤」。
其他文章：
洪永城老婆「巨B」陪同下宣布第二胎性別！夫妻咀嘴報喜 Sir Face做家姐現呆樣
渣打馬拉松2024丨Sir Face媽咪又有創舉！梁諾妍陀B七個月完成10公里賽事 洪永城出招護老婆
2歲Sir Face睇嗲哋媽咪上電視反應大不同？見梁諾妍興奮彈跳 半年前睇洪永城係咁……
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
