李龍基未婚妻曾傳嫁美軍？翁靜晶揭奇怪細節：海軍陸戰隊制服唔係咁

更新時間：18:00 2024-02-25
發佈時間：18:00 2024-02-25

李龍基未婚妻王青霞（Chris）自去年底起連環爆出「黑歷史」，最終日前被逾期居留、使用虛假文書等六罪而被還柙。李龍基未婚妻犯官非，身為執業律師的前女星翁靜晶亦於YouTube頻道分析相關法律知識，更談到Chris早前被傳與被指是海軍陸戰隊成員的前男友，在美國疑似舉行婚宴一事，翁靜晶則質疑Chris舊愛身份。

翁靜晶質疑Chris舊愛身份：

YouTuber水哥早前爆料指，Chris向西雅圖歐陽偉借完3萬元美金（約23萬港元）後，於2018年10月便返回美國亞利桑那州，與一名中年海軍Sky疑似舉行婚宴，更公開多張疑似是Chris與Sky的親密照，Chris疑似一腳踏兩船，李龍基一度被指變「綠帽俠」，事後李龍基回覆傳媒指Sky只是普通軍人，又自認才是「第三者」，稱若非他出現，可能Chris早已跟對方結婚。翁靜晶於YouTube頻道「危險人物2.0」中提到：「美國有個叫Marine，Marine即係海軍陸戰隊，唔係叫水兵，亦唔係叫海軍，啲制服都要啲內行人先識得睇，啲制服係定唔係嘅。」

林作質疑李龍基穿A貨探未婚妻？

翁靜晶大伯是美國海軍陸戰隊一員

翁靜晶指：「其實成件事李生同王小姐認得最快嘅就係，大家攞到一個男仔嘅相，個男仔就係着住所謂嘅海軍陸戰隊一件制服，佢哋就叫水兵、海軍咁。就話嗰位小姐曾經係以未婚夫婦關係，喺美國開過Party。剛才都講啦，『未婚夫婦』其實幾好用，你想逗留就話係『未婚妻』，我要同佢結婚嘅，好多時咁樣可以攞到個逗留簽證，尤其是西方國家。」不過由於翁靜晶的已故大伯正曾是美國海軍陸戰隊一員，因此她知道美國海軍陸戰隊真實制服的樣子：「如果你睇返件制服係好多問題，當時畀人哋講咗出嚟，呢個人原來有個男友，係水軍，其實應該係海軍陸戰隊成員。咁即刻就走出嚟認，『係呀係呀，有件咁嘅事呀』，完全就你哋唔好再查喇咁，又指佢（男方）只係做文職嘅，叫做招收人員，大家唔再追問就信以為真喇！話畀你聽，件制服有問題㗎！」