李龍基同款「名牌」淘寶售XX元？林作質疑穿串錯字A貨探未婚妻：你同Chris一樣假

更新時間：23:18 2024-02-24
發佈時間：23:18 2024-02-24

73歲李龍基未婚妻王青霞（Chris）因被控逾期居留、使用虛假文書等6罪還柙於大欖女懲教所，李龍基連日前往探望未婚妻Chris並多次於受訪時哽咽，承諾會娶未婚妻Chris，相差36歲的忘年戀令人動容。不過「抽水王」林作似乎質疑李龍基行為及言論的可信性，事關他發現李龍基今日（24日）到大欖女懲教所穿着的上衣疑似是A貨！

相關閱讀：73歲李龍基連日探未婚妻神色憔悴失魂回車拎紙巾慘被抄牌吐兩字

林作質疑李龍基穿A貨探未婚妻？

繼麥玲玲質疑Chris自稱為名牌設計家品一事是講大話，疑似淘寶入貨贈友人後，林作今晚在IG接連發文，指發現李龍基今日前往大欖女懲教所，探望未婚妻Chris時穿上「CEILNE」長袖上衣，不過胸前的牌子名只差一字母就跟名牌CELINE同一串法，令人質疑是A貨。林作更於淘寶發現類似款式的上衣，只售89元人民幣（96港元），店家上載的照片亦同樣是串成「CEILNE」，林作質疑李龍基身上的是A貨。林作留言指：「謎底已經揭開！基哥著假嘢！我最近先喺Celine訂完嘢，係法文我都串到嘅，明明隻I係喺L後面嘅！基哥，本身我仲咁信你！原來你同Chris一樣假！講！你有沒有都送假嘢俾我至愛玲玲姐！」

同牌子找不出同款名錶？

此外，林作日前於IG解構李龍基首日到大欖女懲教所探望未婚妻Chris時的衣着打扮，發現他的名牌LV Messenger bag是新款，更穿上PRADA波鞋，就連行李箱也是Rimowa出品。不過憑當日李龍基的看似逾35萬Patek Philippe Aquanaut款式的手錶，令林作懷疑李龍基平日一身名牌的真實性。林作指：「最開始係睇到有KOL就着佢戴嘅PP作出內行人comment，話幾乎沒可能有此款。然後我在搜索基哥同款衣著時，不斷看到相同版本於淘寶、韓國網站有售。」林作就此提出三個可能性，「1. Chris貪圖基哥錢財所以同佢一齊，所以基哥好有錢，呢啲衫錶袋鞋全部真材實料，濕濕碎。這也是我原本直到今日想法」、「2. Chris 同基哥一齊後，為基哥購置，無論是送給基哥還是用基哥錢幫佢買嘅。後者機會很低，因為如果如此基哥幾日前訪問中發表『佢沒有攞過我一個豆零』的言論時，就肯定會提。但係咁如果係Chris 送的話，第一，肯定係假嘢，但第二，基哥更會攞出黎講Chris貼錢俾佢。所以兩者都沒什麼機會」、「3. 基哥全部都係自己買假嘢著」。

林作斥李龍基：詐騙大師

林作自稱從不戴錶，亦沒有任何研究，希望借此帖文邀專家鑑定，並於IG撰長文推測：「一切，都取決於隻錶究竟係真定假。如果係真，我傾向相信以上選項一為事實，咁基哥就係我偶像，自己搵到咁多，著曬出黎曬命，也抵佢憑如此出色嘅外在同內在成功吸引具有高智商作假能力的Chris。」但如果李龍基日前所戴的是A貨錶，林作認為：「咁作為基哥咁出色嘅男人，根本不可能不知道。如果證明基哥隻錶係假，也即係所有嘢都係假，我會需要少少時間去消化，但我可能會不禁對基哥更肅然起敬。條女又假、全身嘢又假、記者訪問啲戲都假。詐騙大師，基哥也！欽敬欽敬！敬請邀請各位一齊為我地基哥研究下隻錶！當然歡迎基哥親自出來解話，俾隻嘢我哋欣賞吓。」