古天樂旗下藝人食開年飯廖子妤睇好余香凝龍年封影后竟有人大膽向老闆催婚？

更新時間：15:20 2024-02-15
發佈時間：15:20 2024-02-15

恭喜發財！踏入龍年，古天樂旗下公司One Cool Jam Cast一眾藝人，余香凝（Jennifer)、廖子妤（Fish）、陳穎欣（Yanny）、林千渟、麥子樂、徐頴堃（Erica）、余潔滢（Zoe）、許月湘、李玗蓁（Viann）、梁雋彥（Ethan），連同吳嘉禧（Cheronna）、李月兒（Luna）、林嘉宏、劉志偉、林芝羽新春聚首，以豐盛開年飯迎接新一年，寓意大家龍年行大運，人人豐衣足食！

古天樂旗下公司藝人開年！

回首剛過去的兔年，眾人不約而同過了精彩的一年，其中余香凝、廖子妤與小師妹許月湘更算是「大豐收」，分別入圍第42屆香港電影金像獎，角逐最佳女主角、最佳女配角及最佳新人殊榮。廖子妤盼望好姊妹余香凝今年能踏上金像獎舞台領獎，廖子妤說：「揭曉入圍名單前一晚，其實我瞓唔着，好緊張，好想你（余香凝）憑《白日之下》呢個角色入圍，真係好好睇，而家好開心你可以入圍，呢套係好電影，好多馬來西亞嘅朋友睇咗之後都話好睇，希望新一代香港電影會有更多好作品。好想見證Jennifer領獎，真係好值得，但又咁講，對手都好強勁。」

許月湘獲師姐讚專業

相對廖子妤的期盼，余香凝反而表示平常心：「自己平常心，反而見到小師妹（許月湘）入圍好開心，佢係一個好嘅新人、態度好，而且又演藝學院畢業，好專業，希望以後金像獎名單會成日見到佢嘅名字。」對於余香凝的稱讚，身旁的許月湘即感動得眼泛淚光，受寵若驚，直言會繼續努力。

至於同樣在去年默默耕耘的Yanny陳穎欣、林千渟、麥子樂、Cheronna吳嘉禧及Zoe余潔滢，新一年亦繼續會有新挑戰，余潔滢還透露會初嚐電影滋味。而陳穎欣就表示：「上年過得好精彩，試好多新嘢，去咗不同地方，自己作品亦有好嘅回響，新一年會繼續多姿多彩，因為我個人好冇記性，就算啲嘢重複發生，都好似新體驗，好開心。」麥子樂在過去一年經歷了不少人生大事，當中有開心亦有唔開心，新年祝願大家身體健康，有健康才可繼續享受人生。林千渟就希望在龍年有不同機會再接觸電影及電視，而吳嘉禧就計劃新一年會再推出新歌及展望在不同範疇有工作機會。