張致恒疑似與債主對話流出！揭一原因辭去性商品店工作惹網民狂轟
發佈時間：17:00 2024-01-04
有「離婚KOL」之稱的張致恒（Steven）與區燕雯（雯雯）結婚後四年抱四，但這對夫妻經常鬧婚變兼生活拮据，不時公開向網民求助，助養他們一家。張致恒日前被KOL Sean大爆他再次放棄了性商品店的工作，並公開疑似他與債主的對話錄音。
相關閱讀：雯雯新年又狂數老公張致恒！談離婚狀況再爆Seed：個個淨係識話我發癲
張致恒懶理被指賴皮帶一家去玩？
錄音中，聽到張致恒以哭腔形式向債主賴皮拒還債，他表示︰「大哥我都同你講過，就算我係還畀你，我都只係還到一、二千，我冇咁多錢可以還畀你。再加上我而家冇喺嗰度返工，冇人幫我湊仔，出唔到去做嘢，我而家仲諗緊方法去搵錢，你逼我都冇用…你咪去…唉，我唔知啊，我嗰個老細喺英國住，同呢邊倒轉時差，所以佢夜晚先出糧，我而家都等緊佢過錢畀我，一有我就即刻轉畀你好冇，新嘅一年大家好嚟好去好冇啊？我好攰呀！」張致恒字裏行間透露再次辭去性商品店的工作，原因是「冇人幫我湊仔」。
點擊睇張致恒一家照片：
不少網民都留言鬧爆兩公婆互相矛盾，一個就公開埋怨老公瞓覺唔湊仔，一個就話自己唔返工因為要湊仔，更有網民認為張致恒及雯雯選擇不決心外出打工，寧願賣慘呻窮，直接攤大手板等網民接濟更輕鬆。
張致恒一家為大仔提早慶生
不過，雯雯似乎未受此事影響心情，今晨（4日）仍於YouTube個人頻道上載一段為大仔天寶慶祝4歲生日的影片，片中兩公婆帶囝囝去室內兒童遊樂場放電，又一家齊齊溫馨切蛋糕，惟未知是否怕被網民狙擊，索性關掉影片留言功能，不過最離奇是天寶是於4月生日，足足提早了3個月慶祝。
其他文章：
2023回顧丨娛圈十大騎呢事排行榜！黃日華無厘頭傳婚訊 張致恒驚變「結紮KOL」
張致恒夫婦疑欠租冬至被迫遷 雯雯突放負網民憂心做傻事：一切也完結
張致恒又呻窮！稱全家病倒兼跌爛電話 自爆無交租多月即將再被逼遷
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
