張致恒夫婦疑欠租冬至被迫遷 雯雯突放負網民憂心做傻事：一切也完結
發佈時間：19:30 2023-12-22
39歲張致恒（Steven）和太太區燕雯（雯雯）結婚四年抱四，惟雯雯多次公開力數老公又懶又廢，更自爆一家陷入經濟困境。雖然張致恒現時在情趣用品店努力打工養家，但仍頻頻做「伸手黨」搲着數，還大呻「我真係好攰」，直到昨日（21日）雯雯忽然連環出Po求救，疑似因欠租被臨時迫遷。
【相關閱讀】：張致恒又呻窮！稱全家病倒兼跌爛電話 自爆無交租多月即將再被逼遷
【點擊睇張致恒太太雯雯放負】：
雯雯昨日於IG Story發了四個黑底白字Post，她先是留下「求幫」二字，未幾貼出「雙手合十」Emoji，之後暗示要離開屋企：「兩日可以去邊？」不過很快刪去此Po，再加多兩錢肉緊說：「咁凍可以同佢哋去邊？原來去到絕路嘅時候，真係會冇人幫。」由於周一（18日）凌晨張致恒曾發文，自爆屢因未能繳交租金而搬遷，還苦呻「我唔想再搬屋......我真係好辛苦......如果有冇人可以幫到我」，令外界猜測二人再次未能交租而被趕走。
【點擊睇張致恒屢鬧婚變】：
直到今晨（22日），雯雯又於IG Story留言︰「既然努力過也解決不到，只有認命，既然絕路到盡頭，身心也累了，不如靜靜合埋眼休息，一切就放下，要怎樣就怎樣，一切也完結。累。」並感激幫助過她一家的善良網民。至今張致恒亦沒有再更新社交平台，令不少網民大感憂心，甚至懷疑雯雯欲做「傻事」：「佢個Po好似走投無路想聖誕節去見天主咁」、「好驚佢兩個真係走投無路，會拖住四個細路，三隻狗喺屋企燒炭，一齊脫困」、「奇怪無社工幫手開綜援Case」。
【其他文章】：
吳浩康為養妻育兒做地盤工人！狂晒開工相笑笑口 網民大讚真男人勝張致恒
雯雯反擊老公借錢去私院生仔論！自揭生B靠家人找數 張致恒懶理炮轟繼續「搲着數」？
張致恒網上推銷情趣用品爆罵戰 稱無錢開飯反遭前粉絲控訴扮可憐多次借錢
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
