張致恒又呻窮！稱全家病倒兼跌爛電話 自爆無交租多月即將再被逼遷
發佈時間：19:30 2023-12-18
有「離婚KOL」之稱的張致恒（Steven）與區燕雯（雯雯），結婚後四年抱四，雯雯最近再次嗌離婚，甚至聲稱將4名兒子的去向交由社工和相關人士決定，但依然未見付諸行動。經常被老婆指又懶又廢的張致恒目前在情趣用品店打工，他今日（18日）凌晨突然在社交網再次賣慘，直言「我真係好攰」，不過一眾網民對於他再一次做「伸手黨」，也感到心很累！
吳浩康為養妻育兒做地盤工人！狂晒開工相笑笑口 網民大讚真男人勝張致恒
【點擊睇張致恒呻窮賣慘】：
張致恒現時在一家性用品商店上班，他不時開直播吸客，但就不時因被網民嘲諷而展開罵戰。到今日（18日）凌晨，張致恒突然在IG Story賣慘呻窮：「我真係好攰，一直以為自己會撐得住，四個小朋友病咗個幾月，最後連自己都病埋，搭地鐵嘅時候成日企喺度瞓着咗，搞到個電話跌落地，而家成個電話都碎晒，再加上屋企嘅經濟壓力令到我就嚟頂唔住，已經因為交唔到租搬過好多次，我真係好努力去面對，我唔想再搬屋......我真係好辛苦......如果有冇人可以幫到我。」
【點擊睇張致恒雯雯常搬屋】：
張致恒兩夫婦雖然經常鬧離婚，但其實也有共通點，張致恒近月不停在社交網求贊助，早前便稱首次蛀牙，因牙醫收費貴求贊助，之後又自嘲「面皮厚過碌柚皮」，穿了多年的鞋底裂開，又想網民資助。隔了不久，雯雯同樣面對牙痛問題，亦問網民「邊度睇牙平」，需要找牙科急症。雯雯之前也曾求助網民：「能夠最快賺到錢嘅工作，歡迎搵我！」、「急需賺快錢，救命！」不過網民似乎都有點質疑，指張致恒電話碎裂仍可出Po，而且經常呻窮，早前又可慶祝細仔出生100天，並留言：「有錢買蛋糕，無錢買鞋整牙，犀飛利」！
【其他文章】：
雯雯反擊老公借錢去私院生仔論！自揭生B靠家人找數 張致恒懶理炮轟繼續「搲着數」？
張致恒網上推銷情趣用品爆罵戰 稱無錢開飯反遭前粉絲控訴扮可憐多次借錢
愛回家丨三太神還原「蚊蚊」直播爆家事吸粉 張致恒老婆又嗌離婚兼放棄四個仔
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
