困獸丨胡杏兒生日狂食之旅肥足8磅邵美琪罕露面透露曾與TVB談合作

更新時間：11:19 2023-11-21
發佈時間：11:19 2023-11-21

胡杏兒與張兆輝昨晚（20日）一起出席有份主演的電影《困獸》首映禮，多位藝人如邵美琪、胡鴻鈞、楊玉梅及丁子朗等亦有前來支持。胡杏兒與張兆輝今次是首度合作，戲內兩人飾演夫妻，胡杏兒大讚張兆輝演技勁，一個眼神已嚇到她喊，而首次演江湖大嫂的胡杏兒又稱今次角色很特別，不是剛烈，是比較溫柔及多內心戲，對自己來說是新的挑戰。

【相關閱讀】：張兆輝為求逼真搏到盡新片親自上陣飛身撞車滾地勁專業

胡杏兒張兆輝出席《困獸》首映：

至於張兆輝則笑言也未做過那麼有型又有威嚴的社團大佬，又透露今次有很多要打的戲，而完場時動作戲更拍了7、8日：「又槍又車又打又爆破又落雨⋯⋯」而他也因打得太激烈受傷，但也頂硬上繼續拍。

胡杏兒與老公到日本慶生

剛與老公到日本慶祝44歲生日的胡杏兒表示今次去了6日，沒有帶小朋友，因為要與老公過二人世界，問她是否怕小朋友阻住造人？她即笑著否認說：「我哋每年都有二人世界，老公送咗個旅程畀我做生日禮物，今次都係去食嘢，返嚟肥咗8磅。」胡杏兒將於下月中與「胡說八道」成員一起到美國登台，今次老公跟三個仔仔也會同行，她指一班姊妹看到她貼的食物相也問是否擔心身形，但她就表示有信心可極速修身，對於團員之一的黃智雯昨日以性感造型亮相台慶，她大讚對方揀衫揀得好正，又笑言登台時會讓黃智雯做性感擔當：「我喺佢側邊陪襯吓，不過我哋啲衫都ok嘅，有時唔一定露都可以好性感。」

張兆輝在下月23日也會跟吳啟華及陶大宇一起在佛山開騷，問到他們可有性感演出？張兆輝就笑言：「我哋着起件西裝夠性感，啲（男人）味就走晒出嚟啦。」

邵美琪唔想攞視后？

久未露面的邵美琪指專誠來捧張兆輝場，現正休息的她表示有人找就會拍戲，雖然有戲癮，但現在會先看多些戲做足功課：「我成日都想，做每一個工作都有一個新嘅感覺。（想挑戰咩角色？）唔知呀，交畀導演同編劇去諗，睇佢哋想我做咩角色。」電視方面，邵美琪坦承之前與TVB及大陸方面也有傾過，但未成事，提到網民指欠她一個視后，她聽後即說：「唔想攞，我唔知講咩，我唔識講，咁我多謝佢哋搵我（拍劇），唔一定要有奬，我享受拍攝嘅過程。」她又指因很多人也做得好，故提議不要只得一個視后：「10個，獎係一個鼓勵，唔好限定得一個，六合彩都可以有10個人中啦，點解唔可以俾多啲？」

邵美琪留意後輩演出

問到有否留意現在的後輩演出，邵美琪表示有，但自己因為記性差，所以對他們的姓名還未有印象，又指新一輩的演技已跟以前的表達方式不同：「有啲人覺得開心未必係笑，可能係喊，佢哋有好多新諗法，唔同電視台都有唔同嘅嘢。」邵美琪又笑言因自己要求高及太貴關係所以令人卻步：「我要有輝哥（張兆輝），又要有華哥（任達華）、Ken哥（鄭則仕）先再拍。（好難喎！）我專登㗎！有好劇本同好老闆就會拍。」