中年好聲音2｜TVB御用中醫徐澤昌遭扑爆車 被竊過萬財物都不及失一物痛心
發佈時間：18:30 2023-11-18
TVB熱播節目《中年好聲音2》吸引不少熟悉面孔參加，其中被譽為「TVB御用中醫」的38歲徐澤昌博士，憑一曲黎明的《夏日傾情》晉身百強，雖然首集便遭淘汰，但憑着殺食外形人氣不減，其IG帳號累積逾1.1萬粉絲。不過，他昨晚（17日）則於社交網自爆座駕被扑爆玻璃，損失慘重！
【相關閱讀】：中年好聲音2丨鄭梓浩55歲生日！做孝順仔跟氣質媽咪慶祝 全女班粉絲Party展熟男魅力
【點擊睇徐澤昌被扑爆車】：
徐澤昌於IG Story上載數張照片及一條影片，可見一輛藍色座駕的副駕位置車窗被打爆，搞到座位與一地玻璃碎，連他也不禁驚嘆：「真係太癲！」原來徐澤昌將座駕停泊在旺角廣華街百利達廣場停車場，未料期間被人扑爆窗，並偷走價值7,000多元的袋，袋中有波鞋、運動衫、水壺、iPad，以及數個值千多元的耳筒，粗略估計共損失近兩萬元，還有未計的車輛維修費。
事後徐澤昌回覆傳媒稱非常誇張：「我架車泊喺個室內停車場，有保安，竟然日光日白都被人扑爛，真係警惕大家小心啲，貴重財物唔好放喺車，咁樣扑法真係損失慘重。」他指，最難過是痛失囡囡小時候製作的鎖匙扣：「有佢個樣㗎，好有紀念價值，咁就冇咗，唉…」
靚妻曾拍《美女廚房》
直至晚上，徐澤昌再出Po答謝各界關心：「雖然架愛車俾人扑咗，損失金錢財物，不過好在人無事，亦無損失重要文件同資料。但最估唔到嘅係，呢件事會喺光天化日下一個有蓋停車場內發生。年金歲晚，大家都要保管好財物，小心注意安全，希望同類型嘅事情唔好再發生。」
出身於中醫世家的徐澤昌，經常亮相《流行都市》及其他健康資訊節目，太太吳嘉麗亦曾擔任《美女廚房》的美女學徒，但自二人於2019年結婚，並誕下大女欣希及細仔溢聰後，吳嘉麗便淡出幕前專心照顧家庭。徐澤昌不但是醫學博士，還具針灸學碩士及健身教練資格，私下他亦操得一身健碩身形，絕對是內外兼備。
【其他文章】：
中年好聲音2 丨顏米羔無悔追夢！青筋暴現演出成為大熱 為天王拍硬照曾執導三級片
中年好聲音2丨46歲麥素華低胸黑絲上陣！姣到震攝評判 大熱陳蒨葶被狠批唱歌好悶
中年好聲音2丨古淖文為餅印媽賀生日！合照曝光同屬妖艷一族 遺傳高顏值基因
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
