恐怖在線丨郭羨妮午睡被「鹹濕鬼」壓床：Feel到有啲嘢從下摸上來
發佈時間：16:00 2023-10-31
「鬼王」潘紹聰的「恐怖在線」最近在香港藝術中心，舉行18場恐怖在線15周年舞台劇《死鬼老婆》X「恐怖在線」現場版，連日來邀得多位圈中人包括方力申、謝雪心、衛詩雅、鄧兆尊、何超儀、盧覓雪等做嘉賓，上周六、日分別請來郭羨妮、黃夏蕙任嘉賓，郭羨妮更自揭曾還「鹹濕鬼」！
【相關閱讀】：專訪｜潘紹聰靠講鬼故「樓換樓」變投資王 忌買凶宅曾住西貢撞鬼嚇到退租
【點擊睇郭羨妮講撞鬼】：
潘紹聰曾透露幾年前計劃將《死鬼老婆》開拍電影，但遇上疫情因而暫時擱置。原來的電影版，潘紹聰早已屬意郭羨妮演出，兩人在第10場的分享會上談及此事。郭羨妮表示正等緊潘紹聰拍板︰「搵我緊係做，不過大家睇咗呢個先，真係好值得入場睇。」談到今次入場觀後感，她說︰「我從來未睇過靈異舞台劇，感覺好似入咗鬼屋咁，驚嚇位真係好驚，直頭想講粗口。」
自此不敢獨自熄燈瞓
郭羨妮表示她自小喜歡聽鬼故，而她亦是潘紹聰忠實擁躉。在台上她分享被鬼壓經歷，她指有一次因太累，下午在家睡覺時竟然遇「鹹濕鬼」，她說︰「嗰日我真係好攰，瞓瞓吓feel到有啲嘢，聽到好嘈聲音，但聽唔明講乜，感覺有嘢好似從下摸上來，仲覺得有嘢錫埋嚟。」潘紹聰即問：「男鬼？」郭羨妮回說：「我唔知，心入面咩（經）都唸晒，掙扎咗一陣先至郁得番。自從嗰次之後，我一個人就唔敢熄燈瞓覺。」
【點擊睇郭羨妮靚相】：
黃夏蕙則盛裝打扮到場，吸引不少觀眾找她合照，入場時獲全場觀眾報以歡呼聲。黃夏蕙也在台上分享靈異經歷，她回想多年前，帶隊與已故鄧碧雲、梁醒波等一行60多人，到海外登台做大戲，當他們入住一間酒店時︰「其中一間房，原本酒店唔租，但我哋唔夠房，後來有兩個女仔入住，嗰晚佢哋感覺有嘢打佢哋，我哋過去睇，大家坐喺房內，就見到幅牆滲出血水，越滲越多，突然嘩一聲，感覺有啲嘢好似走咗，後來先知間房曾經有人死咗。」
【其他文章】：
49歲郭羨妮疑為愛女移居加拿大升學 晒靚到發光素顏自拍展開新生活
郭羨妮11歲餅印愛女被封「最靚星二代」 盡得媽咪優秀基因瞬間學識滾軸溜冰
92歲黃夏蕙扮超人現身街頭晒「鉛筆腿」 預告龍年扮小龍女上頭炷香
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
