3萬蚊龍鳳鈪送完要「保管」被拒 奇葩奶奶狠咒阿仔「橫屍街頭」 網民震驚：親生定執返嚟？｜Juicy叮
發佈時間：08:02 2026-10-12 HKT
一名自稱是奶奶的網民發帖，控訴自己的親生兒子「反骨無情」，起因竟然是一對價值港幣3萬元的龍鳳金鐲，這篇充滿情緒性字眼的帖文迅速在網上瘋傳，至今已累積超過71萬次瀏覽及逾2400個留言，掀起極大迴響。
奶奶千字文泣訴：買龍鳳鈪送新人 想要回「保管」竟被拒？
這起風波的導火線，源於樓主在Threads上發布的一篇心痛控訴，樓主表示，在兒子結婚時，她買了一對龍鳳金鐲送給他們。但她事後覺得把金器「擺喺新抱同新抱老母個保險箱入面唔好」，於是「好心」向兒子提議，希望把金鐲改放回自己與兒子的聯名保險箱：「想叫佢放喺我同佢嘅保險箱等我可以保管返，而且間唔中自己想拎出嚟睇下都得。」
怎料這個提議遭到兒子一口拒絕，樓主頓時大感委屈與憤怒，認為自己辛辛苦苦「供書教學，養到佢咁大」，如今卻換來兒子的冷漠對待。她隨即在帖文中對親生兒子展開狂暴的道德審判：「點知我個仔竟然唔肯交返對龍鳳鈪出嚟！對龍鳳鈪都只係值3萬蚊港紙，佢貪錢貪到咁離譜！......正一禽獸都不如！狼子野心！」
最令人匪夷所思的，是樓主自創了一套破天荒的「股權轉移邏輯」，她強調，當初送金器時就說過是「畀佢哋兩個，唔係淨係畀個新抱」，因此理應代表兒子和媳婦各佔50%業權。既然兒子有份，樓主便推論：「既然我個仔有份，咁即係我都有份啦。咁我有份，有咩理由唔可以畀我保管？點解我問個仔攞返時，佢居然話龍鳳鈪係應該畀新抱？佢有無放我呢個阿媽在眼內？」
網民圍剿：你對「送」字係咪有咩誤解？
這套「你嘅即係我嘅，我嘅都仲係我嘅」的神邏輯，瞬間激怒了大量網民，紛紛湧入留言區展開炮轟，直斥樓主行為自私、吃相難看。
許多網民首先質疑樓主對「贈送」概念的認知：「請問送咗比佢地之後要比你『保管』返係咩事？仲話可以得閒拎出嚟睇下？......你送咗比你個仔同佢老婆就佢2個架啦，乜撚野叫你都有份？有撚病去睇醫生啦唔該！」「你係咪將『送』同埋『保管』呢兩樣嘢撈亂咗？......自己有份的就唔係『送』，係『借』！」「送出去嘅嘢對方鍾意點處置，就算賣返出去或抌咗去都唔到你管，因為咁嘅事就話自己個仔禽獸不如，你都有夠恐怖。」
有同為長輩的網民亦現身說法，直言樓主的做法實在太過小家子氣：「我都係奶奶，我都娶新抱，又點會得一對龍鳳鈪咁少......送咗比新抱又點會攞返轉頭架，你咩諗法，緊係要佢哋兩公婆幸福快樂啦！」「我送一對龍鳳鈪及手錬畀兒媳要五萬多元，係我做好多個小時嘅人工，但係我都覺得係值得嘅......唔應該咁計較！」
有網民亦忍不住揶揄道3萬元的金器根本不算甚麼巨款，不值得為此鬧得雞犬不寧：「你真係3萬元可以買到一對龍鳳鈪？知唔知金價到底幾多？」「3萬都拎出嚟講，同埋送得出去就咪幫自己搵藉口收返啦。」「原本想懶風趣咁覆曲直難分，但遺憾地我相信真係有咁既奶奶。」
奶奶拒認錯反駁網民：我係佢老母！點同呀？！兼咒兒子「天打雷劈、橫屍街頭」
面對排山倒海的負評，樓主顯然毫無悔意，甚至多次在留言區與網民展開激烈的言論交鋒。當有網民嘲諷她把「送」和「保管」混為一談，質疑「送咗俾人嘅嘢想拎返嚟睇咁得意？」時，樓主理直氣壯地反擊，搬出母親的至高無上身份企圖壓制網民：「我係佢老母呀！我點同呀？！無我佢可以生到咁牛高馬大嚟頂撞我？我依家連想自己得閒拎出嚟睇下咁微小嘅要求都要話我過份？」
當有年輕網民好言相勸，指出不應該用過去的付出來情緒勒索孩子，並建議她「少啲控制少啲期望」時，樓主甚至留下了令人不寒而慄的極端詛咒：「唔係我黑心呀，佢因住天打雷劈，就算佢還（橫）屍街頭都無人可憐佢呀！」
這番狠毒的言論讓網民徹底傻眼，有網民無奈表示：「究竟邊個貪錢啲？」、「為咗對龍鳳鈪將個仔鬧成咁......我都替你個仔同埋新抱擔心。」更有網民戲謔：「你應該慶幸自己咁唔正常都生到個正常嘅仔。」
網民：父母與子女不應淪為市儈利益交易
對於這場驚動網絡的「龍鳳鈪之爭」，部分網民質疑可能一場「新抱反串扮奶奶」或「用嚟測試流量密碼」的假膠博流量之作，究竟事件是否真實存在的家庭悲劇，目前仍不得而知，但其中一位網民送給樓主的警世名言卻獲不少人讚好：「父母疼愛兒女，子女孝敬雙親......彼此心底不該存有一絲一毫『誰欠了誰、誰該感激誰』的念頭。倘若付出的一方自覺在施恩，接受的一方又總覺得欠下人情，那麼至親骨肉便與陌路人無異，這份純粹的親情，也就淪為市儈的利益交易了。」
來源：Threads
延伸閱讀：公屋港女「結婚唔同住」圖免除名 過來人揭後果 房署規定咁講
