林嘉欣離婚後首度公開露面神采飛揚 傳涉金錢糾紛：呢啲都係傳說
發佈時間：16:10 2023-10-10
45歲林嘉欣與導演袁劍偉早前驚爆婚變，兩人並於IG發出聯合發文，宣布結束12年婚姻，震驚娛樂圈。林嘉欣宣布離婚後，今日首度出席公開活動，與韓國著名陶藝家姜俊榮現身於護膚品牌期間限定店活動。
【相關閱讀】：林嘉欣離婚丨做展覽獲女兒返港支持4字形容心情 學陶土變得敏銳起療癒作用
【點擊睇林嘉欣講離婚】：
自認近年沉迷整陶瓷的林嘉欣，笑言能夠與韓國著名陶藝家姜俊榮到韓國拍攝廣告，感覺好像認識了一位新朋友，不停向對方偷師，更認為整陶瓷感覺很療癒外，從創作陶瓷上對自己認識加深。林嘉欣更透露稍後拍新戲與張智霖合作，雖然認識對方多年，但從未合作過，所以很期待跟好戲之人演出。
「最難已經過咗啦！」
談到離婚後心情是否已平伏，林嘉欣表示跟前夫袁劍偉同樣為兩位女兒而努力，日常生活也經常會聯絡。林嘉欣說：「我覺得最難已經過咗啦！當我哋落呢個決定都係想大家可以各自精彩、好正向方向帶住小朋友。（若拍戲工作如何照顧女兒？）咁就去爸爸度（指前夫袁劍偉），大家都係好朋友，始終一家人。我覺得呢樣嘢唔係世界末日，大家都係成熟嘅人為咗小朋友。」
提到有傳她跟袁劍偉因育兒看法不一，加上牽涉金錢糾紛，最終要離婚收場。林嘉欣說：「呢啲都係傳說中，家家都有本難唸的經，當做呢個決定，都想用好正向方法解決。」
林嘉欣兩女理解離婚
問到兩位囡囡是否了解兩人離婚決定？她說：「都明白！兩個女喺呢件事表現得非常成熟，出奇地適應能力強過大人！我哋不停溝通同開家庭會議，其實佢哋一路都知道嘅。我同袁導演嘅關係，無令到小朋友有任何缺失，呢個係最關鍵。（兩位囡囡可有要求不要離婚？）一定開頭係咁嘅！始終呢個係一個家庭嘅事，但我覺得經過時間，當佢哋發現父母有各自屋企，都開心咗好多喎！關鍵係希望小朋友喺正向下氛圍成長。」
至於早前有傳袁劍偉去年以約1,200萬蝕讓太古城物業給林嘉欣作為「掟煲費」時，隨即身邊助手大叫：「呢啲唔講啦！」而林嘉欣則說：「總之呢個決定經過大家好多思考同討論先至結束，所以傳聞中嘅嘢停留喺傳聞中。」
【點擊睇林嘉欣日前舉行陶瓷展】：
【其他文章】：
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
