中年好聲音2 丨前藝人譚權輝舊愛被謀殺摯友離世改變人生 曾參加新秀與天王天后做過同門
發佈時間：09:00 2023-10-09
TVB歌唱真人騷《中年好聲音2》經過一輪淘汰賽後，60強淘汰賽的參賽者終於選出，最終選出30位參賽者晉級下一回合！曾經在1996年參加《新秀歌唱大賽》，現為歌唱老師的譚權輝（Adam），當日以《印象》一曲成功殺入60強，昨晚（8日）再下一城晉級30強！雖然能否登上冠軍寶座，暫時仍算言之尚早，不過譚權輝稱今次參賽，原來背後有一個故事！
【相關閱讀】：中年好聲音2丨歐倩怡同屆新秀對手罕現身 巨聲幫歌手淡出多年暴脹
【點擊睇前藝人譚權輝再戰歌壇】：
譚權輝（Adam）在19歲的時候，曾代表英國參加全歐洲歌唱大賽並獲得冠軍，其後返港參加《第15屆新秀歌唱大賽》，加入華星唱片後，認識了楊千嬅和陳奕迅等人，不過因為華星公司結而加入了TVB藝員訓練班，畢業後在TVB工作了7年，不過譚權輝一直醉心從事音樂類型工作，最後決定離開TVB，自立門戶Music Buddy，實行開班授徒教唱歌。作為一個歌唱老師，膝下桃李滿門，但偏偏選擇參加歌唱比賽，譚權輝接受《星島頭條》的訪問時，坦言多少多少都要衝破一些心理關口，他說：「心理關口確實會有，我教唱到而家差唔多有15年，累積咗好多學友，除咗教唱之外，我每年亦會參與接近100場婚宴及商業演出。」
譚權輝因小妹妹一話再追夢
直到半年前的一次壽宴演出，竟然激發了譚權輝對音樂的初心：「嗰陣有一個大約10歲嘅小女孩，突然間走嚟樂隊面前同我講：‧『哥哥，你唱歌咁好聽，點解唔參加《中年好聲音》？』 我當時都唔知點反應，正當我猶豫之際，聽到主人家嗰邊帶動全場一齊呼叫：加油！加油！我哋支持你，呢一刻我嘅內心突然堅強起來，原來呢個妹妹係主人家嘅孫女，佢重燃咗我內心嘅火，當下我就答應了大家我會參加，而當晚主人家點嘅歌曲，就係我參選嘅第一首歌曲《印象》。」
譚權輝：我前女友畀人謀殺
有了這支強心針，譚權輝下定決心去參加比賽，當刻他的腦海出現不少法想法，他說：「正所謂人到中年，收到的已經不單是喜慶請柬，而是『大酒店』嘅邀請。有一日食飯期間收到一個電話，有朋友講我知，我嘅前女友被謀殺了！當時我唔敢相信而謀殺的方法恍如電影橋段。我喺19歲認識佢，佢係英國人，我哋拍咗八年拖仲訂咗婚，因為參加新秀一齊返嚟香港，雖然最後都分開，但係我們一直保持聯絡，亦珍惜呢份友誼。他續說：「另外一位係我嘅好友客戶，佢熱愛The Beatles，所以我為佢安排咗去英國著名的Abby Road Studio 錄音室及昔日The Beatles 的音樂監製Stuart 來灌錄他的大碟，可惜完成後返香港嘅第三天，佢心臟病發與世長辭，未能夠聽到自己完成的作品。」經歷過後，譚權輝坦言父母的愛今生無以為報，太太對我無微不至的愛等一一湧上心頭，所以他決定藉着今次比賽，選擇一些正能量的歌曲來紀念已故好友們：「佢哋留畀我嘅係冇傷感，而是快樂嘅回憶。」
【其他文章】：
中年好聲音2丨90年代艷星身材容貌走晒樣 大媽味濃過屯門娜娜嚇親網民
中年好聲音2丨鄧兆尊胞弟鄧兆榮兩子現身撐爸爸 憶已故祥嫂爆喊：一生遺憾
中年好聲音2｜向展鵬花式炫富花六位數買衫減壓 戴過百萬富豪級腕錶首飾出戰
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
