呂方太太欠款風波再發酵疑弟弟發聲力撐邵子風被嘲食軟飯：我相當介意

更新時間：19:00 2023-10-07
發佈時間：19:00 2023-10-07

現年59歲的呂方與經營食品生意、有「網絡買餸天后」之稱的圈外女友伍惠寶（Rainbow）於2020年結婚，二人育有一女Emma。本身是出色企業家的伍惠寶，前日（5日）忽然爆出遭邵子風在網上公開追數70萬元，風波持續發酵，今日邵子風再在社交網直斥有人是「好X嘔心呀企業家！」更有一名疑是伍惠寶弟弟的網民「Kelvin」，在邵子風的帖文下稱遭「詆毀」，要求邵子風公開道歉。

【相關閱讀】：呂方太太遭邵子風公開追數70萬爆罵戰伍惠寶否認欠款：多年嚟你對我騷擾

【點擊睇邵子風疑與呂方太太弟弟罵戰】：

邵子風之前的追數帖文，伍惠寶便為自己澄清，回應網民不涉及借錢：「邵先生白紙黑字入股的，我有文件作證」，邵子風之後再斥責：「好X嘔心呀企業家！要錢時就動之以情，簽嘢時變成投資，唔緊要，投資咪投資囉。點解投資，你會提出還款日期？乜嘢投資係會還款嘅？點解投資者從來無數睇？點解從來無人報告生意進度？無厘頭執左（咗）公司、自己走去破產，係咩嘢玩法？然後四出去搵同學『動之以情』，保持自己生活質素，住大屋、揸靚車、養番狗、打本俾細佬做生意… 就係唔找數！執左（咗）公司好似大X晒咁！」邵子風又稱不會期望會找數：「間公司本身就係響前男友度呃番黎（嚟）！後來識到大明星之後仆住去果D唔好講啦！仲有呀，另一個前男友即係我同學，又俾你滾幾舊，佢講到明唔追啦！費時俾人知佢X！你自己做乜你自己最清楚啦！天實收你！我話嘅！我發誓講一句！天一定收你！」

網民詆毀十年努力

因為邵子風一句「打本俾細佬做生意… 就係唔找數」，意外引出疑是伍惠寶弟弟的網民「Kelvin」在網上爆罵戰，網民「Kelvin」留言：「我間茶飲檔，係我自己儲十年錢開嘅，你話係家姐打本畀我，你有無咁樣講過！你有冇真憑實據！你咁樣講，係詆毀咗我十年嘅努力，嚴重損毀我嘅聲譽。我每一個朋友都支持我開舖，都知道每一蚊都係我自己出。你唔認食軟飯，亦都唔好屈我係靠屋企人開舖。我覺得你至少要為呢句說話，公開向我道歉。」邵子風即叫對方問返當事人：「講多一次呀，呢個講法，唔係我提出嘅，係你家姐把口講嘅！你家姐點解咁講，你要問佢。你問佢，佢唔認，正常啦！不過佢同人咁講，唔係我控制到。」

邵子風要求自重

網民「Kelvin」未有吾認有人欠款不還，續道：「我家姐欠錢，同佢老屈我有咩關係？」邵子風繼續回應：「我無屈你，我只係將你家姐講過嘅講出嚟，講多一次，你唔係我對象，無仇無恕（怨），請你自重。」邵子風又認為對方是為伍惠寶出頭：「都係果（嗰）句啦！如果你要代你家姐出頭，你出嚟同我傾，我幾時都歡迎！我去探你又得！」網民「Kelvin」稱要保護家人：「一單還一單，你而家係屈我，我唔係靠自己開舖。你係搵我過橋攻擊我屋企人！起碼呢樣嘢係假嘅，你可以作一樣嘢嚟攻擊我屋企人，攻擊我，我都會保護我自己同屋企人」，邵子風無奈表示：「答多你一次，問你家姐同人點講你間舖。我都可以話你兩姐弟打龍通。」網民「Kelvin」咬住打本問題不放：「咁即係點？自己講完，就話你係道聽途說？」邵子風要求對方問呂方太太：「道聽途說…誰說的？你姐。問你姐。」

邵子風稱多度被騙

邵子風今日再撰長文，對被人指食拖鞋飯回應：「我相當介意人哋話我食拖鞋飯…我係一個食飯會爭住俾錢嘅人…其實識我嘅朋友都知…講出嚟，我係尷尬嘅，唔講，我吞唔落。點尷尬都好，今天我不是藝人，沒有甚麼形象要保護。拖鞋飯之說，我實在難以考究從何而來，因為傳媒從未有此觀點，只是零星網民之說…我理解為，我的前女友比我多人認識，所以大家認為她賺錢較多，就應該是她養我。我作為舊思想男人，總覺得『養家』這件事，一定是男人責任。我戀愛史縱使豐富，但從來也是我負責屋租、日常正常開支包括水電煤…當然另一半也會為家庭購買種種，這些在一般情侶或夫妻間，正常事吧！坦白說，作為男人，我連討論這個問題也覺得小家，因為家庭開支這正是男人的責任… 有乜好講？又讓我大口氣一點說，生活開支需要好多錢嗎？我需唔需要公開我每年搵幾多錢，去證明我足以應付生活？我白手興家，爸爸過身後，也沒有拿過甚麼！12歲開始工作賺錢，18歲後已經自力更新。朋友有困難，我總是出手相助！多年來如是，只是從2023年才開始拒絕一切借錢，因為實在被呃過太多…」。