張天賦搵到錢想買樓希望35歲財富自由之前剝智慧齒面腫腫放假兩周

即時娛樂

更新時間：15:10 2023-09-12 HKT
發佈時間：15:10 2023-09-12 HKT

張天賦（MC）今日出席品牌活動，談到近期頻頻出席賺錢event，他笑言要多謝公司，並希望35歲可以財富自由，買樓亦是他首要目標，但仍努力中，第二個目標則想到芬蘭旅行睇北極光。他說：「早前都放咗假，因為剝四隻智慧齒腫晒唱唔到歌，休息咗兩個星期。」談到有粉絲覺得他變瘦，MC自覺沒有變，但剝牙後吃不到東西，不過吃了很多雪糕，又笑言好耐沒有出席活動，見到好多人有點不習慣。

MC想買樓之餘又想去北歐睇極光。

之前剝智慧齒致面腫唱唔到歌。

好想走埠開巡唱。

對於月底於澳門首次開騷，MC透露現正減少食量，並且做健身及排舞。提到有不少粉絲買不到飛，MC明白有此問題，公司亦決定開兩場，希望未來有更多場次或更大的舞台演出，亦想走埠開巡唱。他說：「我同公司反映咗！（完成澳門個唱後，準備走埠開巡唱？）真係唔清楚，如果可以走埠都幾好呀！」另外，MC年尾會推出一首合唱歌，人選由公司安排，是一位好適合同自己合唱的女歌手，又稱連同這首合唱歌的話，今年合共推出5首歌。對於在年尾各大頒獎禮，可有信心下一城？他說：「我唔謙㗎！你問我梗係想攞獎，但比起呢樣嘢，最緊要觀眾鍾意。」

《星島頭條》新網站有更多精彩內容：http://www.stheadline.com/