玲玲友情報丨麥玲玲自爆與老公首次約會看三級片！ 黃紫恩被數八宗罪難出Pool
發佈時間：15:30 2023-09-04
堪輿學家麥玲玲主持的TVB清談節目《玲玲友情報》最近一集將於後晚（6日）播出，主題是「出Pool」，請來戀愛教練Angus分享工作上遇到趣事，還找來J2er黃紫恩（JoJo）、胡美貽（Nicole）和蔡景行（行仔）吹水講愛情。
【相關閱讀】：東張西望丨郭晉安捲內地樓盤「騙案」未解決 麥玲玲搵深圳律師搜集資料
【點擊睇麥玲玲講老公】：
從事愛情配對工作的 Angus，經常遇到客人提出騎呢要求，有一次一位在美國矽谷做IT的男士，想找一位樣貌和身材俱值95分的女士做女友，豪氣表示能令對方衣食無憂之餘，每個月更可送上名牌手袋做禮物，麥玲玲聽罷大笑：「抵佢冇女朋友，你唔可以覺得個個人都黐住個價錢牌，講感情架嘛！」
Angus又謂曾遇過有男士以「處女」為擇偶條件，主持們聽畢均勁大反應，並好奇Angus如何替女方驗明正身；Angus還爆出該名男士搵處女背後真正原因，麥玲玲和胡美貽聽畢大嘆扣分。麥玲玲之後亦自爆遇過不少有奇怪擇偶要求的客人：「我有個客話一定要搵個女仔鍾意食餃子，有個女仔就話個男仔一定要返著西裝嘅工！」麥玲玲開心Share完還忍不住警世地感嘆謂：「條件你自己set啫，但真正遇唔遇到係另一回事。你set到條件好高時，先望望自己，要求越高，成功找到心儀對象機會就越低。」
吹水期間，麥玲玲大爆老公當初擇偶條件亦相當不切實際：「希望將來另一半係超瘦，同埋預佢結婚後肥30%就啱啱好，呢啲就係怕咩就踩咩。」麥玲玲又大爆老公刻意挑選「平民餐廳」作首次約會撐枱腳地點，全因想測試約會女士人品和質素，豈料不但因而一度激到約會對象拂袖離座，麥玲玲亦吃迴轉壽司吃到扯晒火：「好麻煩，食住嘢都要不斷褪位，嘩！真係想打人，好彩我個人唔現實啫。」自命「魔高一丈」的麥玲玲，又自爆首次跟老公約會節目是睇三級恐怖片，而且老公竟比她更驚青，相當驚爆！
【點擊睇黃紫恩更多靚相】：
節目中，黃紫恩和蔡景行更會鬥自揭及被揭單身真相，當中以 黃紫恩最為不堪入目，自覺只是因「要求高」要出pool無望的 黃紫恩，竟遭工作人員圍插「太麻甩、太嘈、樣衰、成日亂噏、頭大身細、胸唔夠大、太過性感及講嘢太快」，黃紫恩事後不但大方承認「全部都啱」，更揚言為了要出pool決定封嘴。
胡美貽則自爆與另一半撻著主因通常是同樣「瘋癲」：「我做嘢比較癲，咁我有一個係因為賽車，一個係因為夜蒲，然後玩到好癲冇feel變有feel。嗰兩個男仔都畀人覺得係癡線佬，咁啲人就覺得我係癡線婆。」
【其他文章】：
法言人丨麥玲玲穿半透舞衣跳舞被攬腰摸手仔 嘴角含春樣勁有喜感畀人呃都唔覺佢慘
郭晉安捲內地樓盤「騙案」澄清非代言人 麥玲玲亦受牽連向地產商發律師信
胡美貽自爆一夜情要靚仔同方Size兼備 黃紫恩直接揀方力申做對象
破毒強人丨J2女神胡美貽跨坐Patrick Sir林溥來 嘴對嘴餵食毒品畫面極香艷
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
