頭條戲場 丨《犯罪都市：鐵拳掃毒》多謝馬東石賜我減壓妙法
更新時間：07:00 2023-06-12 HKT
發佈時間：07:00 2023-06-12 HKT
發佈時間：07:00 2023-06-12 HKT
字體大小
馬東石主演的《犯罪都市》系列去到第三集《犯罪都市：鐵拳掃毒》，韓國好收得，大熱勇奪開畫票房No.1，我一向唔太理票房，多人睇唔代表啱自己睇，不過呢個系列唔差，每集都有一個大奸角，然後馬生就要憑一己之力去儆惡懲奸。今次《鐵拳掃毒》大酬賓，有兩個壞人，仲要靚仔又大隻，呢點好重要。(上映中)撰文:廖思慧
想像吓馬生打嗰個人就係你想打嘅對象，真係好舒壓好爽。
《犯罪都市》第一集瓦解黑社會，第二集就搗破跨國人口綁架，今次就玩跨國毒品。 因為一單女生墮樓案，馬東石查案期間發現死者並非自殺，而且同夜場販賣毒品有關，然後查呀查，又發現販毒組織由日本黑幫操控，夠料做嘢，馬生即刻拉人，咁順利嗎?當然冇咁簡單，當中包含黑幫二五仔，又有警隊害群之馬阻住晒。馬東石好忙，永遠一個打一百個，繼續唔用槍唔用劍齋用拳頭，睇佢一拳KO啲人渣敗類就好治癒，香港好需要佢。
馬生去夜場查毒品案，發現有客人公然吸毒即做嘢。
馬生有幾打得?睇下地下瞓低嗰班人。
完全無冷場
對電影系列一向唔抱太大期望，即第一集係極品，去到第三集通常都負評收尾。《犯罪都市》系列算係異類，可能同馬東石唔單止做主角，仲擔任電影製作及策劃有關，上心啲自然好睇啲。據馬生透露已計劃8集故事，仲話：「只要觀眾願意睇，我就繼續拍。」真係唔該晒。
講返套戲，優點係完全滿足入場前嘅期望，即係打戲超密集，馬生繼續拳拳到肉，幾乎秒殺解決，今次仲多咗日本刀手角色，有拳腳又有得睇俐落刀法，即係窄巷中揮刀狂斬幾十人，睇得好爽。缺點係劇情好簡單，零反轉仲要一早自己穿咗自己條橋，壞人抵佢死，好人繼續一生平安，加埋都幾多笑位，呢期睇新聞睇到好難過的你，想舒壓嘅話，入場幫到你。
《星島頭條》新網站有更多精彩內容：http://www.stheadline.com/
最Hit
落選港姐女兒讀「幼稚園界哈佛」6歲會展搞畢業禮夠霸氣 年學費至少五位數封名人二代學府
2025-07-07 15:00 HKT
31歲轉行賣雞前TVB女星疑發生嚴重意外 淚崩漏夜內地返港緊急就醫：人生很無常
2025-07-07 14:00 HKT