44歲楊思琦罕有講神秘老公愛的舉動 靠兩招維持異地夫妻關係講心唔講金
發佈時間：16:00 2023-01-06
現年44歲的楊思琦入行初期與李泳豪撻着，2011年突然宣佈分手，有指她當時搭上內地跳水運動員吳帥，更未婚產女做單身媽媽，由鄰家少女變成負評如潮，遭觀眾唾棄。情路坎坷的她在2019年突然宣佈嫁圈外結婚，兼再誕下一子，結婚近4年，老公身份至今依然相當神秘。最近楊思琦接受內地傳媒訪問，提到當年做單親媽媽、賣啤酒等負面新聞外，更罕有提到神秘老公。
相關閱讀：盤點8本中女寫真 楊思琦身材Fit過選港姐 50+女星完美駕馭半裸噴血床照
【點擊睇楊思琦靚相】：
提到當年做單親媽媽，負面新聞不斷，慘被觀眾唾罵，楊思琦表示：「當時我會覺得好無奈，因為人生、感情唔係樣樣嘢都咁順暢，只不過我係一個藝人就大肆報道，之後再放大加以創作。當時我又冇澄清，因為我唔想越描越黑，最清楚嘅人就係我自己，外界點睇我唔緊要。唔要呢個BB咩？我覺得唔可能喎！」楊思琦認為現在女性經條件變好，做單親媽媽亦絕無問題：「而家女仔條件好咗、經濟能力好咗，反而想搵嘅對象有啲結咗婚，有啲都有對象，僧多粥少，未必遇到個啱嘅，唔係佢想去走呢條路（單親媽媽），係大環境吖嘛，做乜要歸咎自己？」
楊思琦在2019年結婚誕子，終於遇到真命天子的她認為一切都是天意：「我覺得係天意，因為我係宅女，個個約我都唔出街，直到有一日朋友話食飯，推咗幾次，後尾我就去啦，去完就認識，之後慢慢溝通，好開心遇到。」婚後丈夫亦愛屋及烏，對楊思琦女兒視如己出：「一齊之後都有考慮佢會唔會接受到，咁佢又OK冇問題，佢錫我嘅囡囡好似自己個女咁。愛屋及烏，我自己嘅小朋友、家人，佢都係好愛錫，我完全冇擔心、冇顧忌。」
被網民指是「拜金」的楊思琦，她坦言擇偶不會算經濟能力：「我都冇揀要經濟能力嗰啲，最緊要個人好，如果佢心地唔好、對你唔好，佢有冇錢都係一樣，就算我工作上有唔順暢、佢唔係圈內人，大家分擔到、溝通到。我覺得同佢真係好夾，就算我長期在內地工作，見唔到，佢都好體諒。」之後她更分享經營維繫異地戀心得：「第一，要互相信任；第二，要有交帶，主動同佢分享，溝通日常生活，咁佢就好安心，知道你將要做啲乜嘢，咁佢就唔會擔心。」
另外，楊思琦早曾酒吧演出，被指做「啤酒妹」，她在訪問中解釋：「藝人好多時被邀請出席活動，商演、酒吧等，唔知點解話我慘到要賣啤酒，我真係要平反，嗰個表演要我揸住啤酒影相，咁就俾人話我賣啤酒。嗰陣有呢個新聞，搞到有啲人唔敢搵我演出，拍影響生意。」
【其他閱讀】：
林曉峰返港做孝順仔媽媽激似狄龍 網民熱議超狂背景驚訝同影帝有親
59歲葉童大跳MC張天賦新歌勁優雅 懶理負評堅持「優雅地老去」
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
