肉檔威FB粉絲群組管理員「失蹤」！　三星期冇更新引Haters狂嘲

更新時間：15:45 2022-09-04 HKT
發佈時間：15:45 2022-09-04 HKT

早幾個月受不少中年女士追捧的「肉類分割員」劉宋威（阿威），因連環被爆疑似黑歷史、除口罩拍廣告又被部份網民批評外表不夠靚仔而導致人氣下滑。就連找他代言的品牌都被網民狙擊，隨產品附送的閃卡限量都好似冇人想要，有網民更發起要罷買產品，令品牌相當頭痕。而阿威的粉絲數量亦流失得好勁，幾個月前仲有人氣時，粉絲為他開設FB群組「荃灣鮮肉威威應援團」，現時仍有1.8萬位成員，不過最新一個貼文已經是上月15日發佈，有位粉絲匿名發文表示：「相信威威，遇難愈強。」但群組之後足足三星期沒有再更新。

有粉絲留言詢問為何群組許久沒有更新，又感嘆：「（群組）靜咗好多。」有粉絲匿名回覆稱：「唔係冇Post出，而係管理員唔批Post，又甚麼事都唔交代，令到個群（組）半荒廢，我哋都想知道乜嘢狀況，如果真係有需要不如將管理員交捧吧！」粉絲大爆管理員「失蹤」，即引來Haters嘲諷阿威，質疑阿威是靠「打手」捧紅，但見阿威人氣下滑就不再力捧阿威，更指管理員「失蹤」是因為「冇糧出」，令阿威真正的粉絲非常生氣，於群組內掀起罵戰。

立即下載｜全新《星島頭條》APP：https://bit.ly/3yLrgYZ