夏蕙姨扮老虎快閃祈福因疫情冇得上頭炷香感失望

即時娛樂

更新時間：17:30 2022-01-30 HKT
發佈時間：17:30 2022-01-30 HKT

黃夏蕙（夏蕙姨）今日以一身老虎裝扮到尖沙嘴出席快閃祈福活動，夏蕙姨每年農曆新年都會到黃大仙祠上頭炷香，其獨特的生肖造型往往成為大眾焦點，但今年因疫情再次升溫關係，黃大仙祠原定年廿九晚舉行的頭炷香將不會開放予公眾人士參與，夏蕙姨對此感到失望。

今年虎年，夏蕙姨扮老虎快閃祈福。

黃大仙祠每年都有讓公眾人士上頭炷香的傳統，今年已是連續第2年，因疫情宣佈不予向公眾人士開放上頭炷香。雖然疫情阻到夏蕙姨上頭炷香，但阻不了她扮12生肖動物！今日更提早賀新春，兼為大家祈福：「希望在明天，疫情快啲過，出年可以繼續有頭炷香活動。」至於新年節目，夏蕙姨指沒有刻意安排活動，但一班契仔契女都會前來向她拜年，「冇預計用幾多錢封利是，多啲嚟密啲手，而家又冇得出去食飯，都係留喺屋企。（會自己整蘿蔔糕應節？）契仔契女會送，我最希望都係上到頭炷香，但而家冇得去都無辦法，始終疫情係大眾嘅事。」又說不會外出拜年，但別人要前來向她拜年也不會拒絕，相信大家都會做好防疫措施。