林峯角色慘被任賢齊等人由頭打到尾每日操練體能3個鐘差點操到嘔

即時娛樂

更新時間：20:42 2021-11-30 HKT
發佈時間：16:15 2021-11-30 HKT

好耐冇見小齊。

林峯和任賢齊（小齊）今日出席新戲《九龍城寨‧圍城》開鏡儀式，首次跟林峯合作的小齊讚對方很努力，為了今次演出不停操練，一星期操足5日，小齊笑說：「平時見佢嘅感覺風流倜儻、好瀟灑，今次見佢鋼條身形好實淨。」林峯則笑謂在戲中不會刻意騷肌，反而被小齊及古天樂輪住打，坦言今次演出好大挑戰：「基本上每個角色都會有機會打我，因為我貫穿成部戲，所以由頭打到尾，今次有拳腳打、撞車、跳樓，總之就飛天遁地。」可有練到受傷？林峯坦言少不免，不過卻認為很值得，開拍前更訓練了個幾月：「每一日去練3個鐘，第一日我仲練到差啲嘔，不過辛苦都值得。」林峯透露今次角色造型鮮明，故戴上帽子免髮型曝光，此外亦為角色再度曬黑。

林峯近年都主力在大陸工作。

張文傑亦有份演出，相信都要騷肌。

此戲要拍攝至農曆年，談到未能與老婆張馨月和女兒「格格寶」見面，小齊指這些就是演員的付出，林峯聞言立即認同，他又謂：「依家咪每日視頻，個女歲幾，我又掛住老婆又掛住小朋友。不過囡囡唔會唔認得我，一見到我就叫爸爸，冧到幾辛苦都無所謂。」張韾月和囡囡會否來港？林峯指始終疫情關係要隔離，坐飛機亦有風險，所以暫時不考慮。