王祖藍身家過億3年前已直播帶貨交棒陳嘉佳賺到盤滿缽滿

即時娛樂

更新時間：01:26 2021-11-27 HKT
發佈時間：17:45 2021-11-26 HKT

招攬學員加入帶貨行列。

王祖藍今日在上環出席《識貨2直播營銷學堂》啟動禮，今次招攬120位由18至35歲學員加入帶貨行列，提供培訓計劃，優秀學員有機會參與全新一輯《識貨2》，終極可參與TVB直銷中心及廣州大灣區明星直播基地實習。
早前祖藍自爆身家過億，3年前已開始投身直播帶貨，當時仍未有港人參與，之後他身在武漢遇上疫情，為推動當地經濟進行慈善直播帶貨，創下最高紀錄一場6,000幾萬大豐收，後來疫情下回港暫別帶貨，笑言交由陳嘉佳（細細粒）接棒，祖藍說：「當初睇中細細粒係人才，佢曾經賣大閘蟹一場有350萬，牛扒都賣咗500萬，好好成績，唔係個個藝人都做得帶貨，有啲會覺得我係藝人點解會做Sales，所以細細粒都係破釜沉舟。」

祖藍率眾藝人出席。

帶貨雖然好賺，但祖藍謂不是個個藝人都做得帶貨。

祖藍又爆細細粒近年賺到盤滿缽滿，買樓綽綽有餘，勸喻對方盡快買樓給家人住，亦希望細細粒成為標竿讓人學習。而祖藍會在學堂進行分享，但不會出任導師，他正籌辦TVB大型歌唱節目《聲生不息》，會以香港音樂為主題，有其他業務在身，令他分身不暇。
此外，祖藍太太李亞男昨日（25日）37歲生日，一家四口外出吃飯慶祝，祖藍笑說：「送咗一晚畀佢，結果夜晚都係分居，因為工人姐姐放假，老婆要陪囡囡瞓覺，得我獨守空房，對住啲花。」祖藍表明稍後會撇甩兩女兒，與太太staycation，二人世界再補足生日，並笑指雖然工作繁忙，但以勞工法例來計算，管理層也有假期。