港聞

娛樂

最Hit

即時

中國

國際

星島申訴王

財經

地產

生活

健康

教育

體育

大灣區

專欄

馬經

PLUS

造星IV丨梁祖堯自爆被人粗口問候堅持方方阿Ling以氣場實力取勝

即時娛樂

更新時間：16:06 2021-11-21 HKT
發佈時間：12:30 2021-11-21 HKT

今日貼出跟部份入圍者合照。

ViuTV選秀節目《全民造星IV》前晚（19日）60強誕生，其中導師許廷鏗（Alfred）與梁祖堯在「復活區」選出12位參賽者晉級，她們分別是Ashi、Yoyo、Candy、CK、inwin、Ariel、Gao、Ash、咖哩、Miko、方方及阿Ling。結果一出，不少網民鬧爆，矛頭直指梁祖堯偏心方方及阿Ling。

現年39歲的阿Ling，被網民批年紀大根本不合做女團。

網民指因方方上輯已參加，因此獲偏幫。

成為眾矢之的，梁祖堯今午在IG貼相及撰千字文回應，他謂：「96強啱啱出完街，好多人鬧點解唔救呀妹，Yanis， Jackie等？想㗎。真係想㗎，坦白講佢哋都真係喺當晚嘅討論名單裏面。不過果（嗰）朝喺復活區做選擇嘅時候，我哋一致認為，要做到比賽公平，就要睇當晚嘅實力同表現先可能說服一樣喺復活區內而無被選中的參賽者。當然，觀眾緣都係軟實力嘅一種，但係三個月前，當時所有宣傳都未出街，我哋根本無辦法用呢一樣嘢來做衡量，實在難以去預測觀眾對佢哋嘅期望。最後同觀眾期望有落差，都好心痛，感覺上真係放棄了一些原來非常得觀眾歡心嘅表演者。我必須要講句公道說話，你有權話呀ling雖然年紀大，有權覺得佢唔係女團人選，但係當晚佢嘅壓台感實在比好多其他參賽者優勝，雖然我哋係認識，但係佢10年以上嘅舞台經驗就係為佢帶來表演氣場嘅原因，我相信呢一點大家都冇辦法否認嘅，而復活區內我認識嘅人亦唔止佢一個。而點解39歲就唔可以追夢？復活方方，同樣因為舞台實力。名額有限，我哋都非常之無奈，而呢一種無奈，喺呢三個月內都不停會重複出現，因為始終比賽就係一個比賽，就係每次都要有人被淘汰。」

梁祖堯自爆被網民粗口問候。

梁祖堯坦言最初女團經理人阿Wing表示成員年齡只能是16至25歲，他已表示不同意，而60強結果公佈後，梁祖堯坦言有收到好多私訊，爆粗及鼓勵都有：「爆粗嘅無乜嘢，發洩吓啫，明嘅，鼓勵嘅都在心中，多謝晒。」他又直認表演從來沒有輸赢，只有喜歡不喜歡，難以用一個客觀標準去評定，加上在現場及電視收看，參賽者演出的好與壞是有落差的。尾聲時，梁祖堯透露比賽已誕生20強，他除了大讚晉級的是精英中的精英，不忘鼓勵落敗的76位不要氣餒，梁祖堯又稱觀眾反應如此激烈，證明這是一個成功的節目。