港聞

娛樂

最Hit

即時

中國

國際

星島申訴王

財經

地產

生活

健康

教育

體育

大灣區

專欄

馬經

PLUS

頭條獨家丨亞姐林寶玉爆阿儀月入五位數為搵食拍劇兼任亞視經理人

即時娛樂

更新時間：23:39 2021-10-12 HKT
發佈時間：22:12 2021-10-12 HKT

林寶玉樂意兼任經理人及演員身份。

被封為「翻版陳法拉」嘅亞姐林寶玉（Connie），唔止有32C-24-35 Fit爆身材，仲多才多藝，之前以特約演員身份演出TVB《愛·回家之開心速遞》，飾渣男麥秋成玩弄嘅其中一個女友。最近她更由亞姐升任成為ATV藝人經理，管理網絡紅人薛影儀，份工夠晒有挑戰性，她坦言：「幕後係工作，幕前係追夢！」採訪：方騫平攝影：沈健程

林寶玉帶住阿儀搵食。

早前有黑幫頭目擺大壽，阿儀獲邀推蛋糕進場賀壽。提起呢件事，Connie即說，「公司回應咗。」

31歲的林寶玉（Connie）參加上屆的《亞洲小姐競選》並奪得了「網絡人氣獎」，之後她不斷客串TVB劇，包括《智能愛人》及《今宵大廈》等，就算𠵱家係ATV職員，但公司都鼓勵她跟不同媒體合作。她說：「我職位係ATV藝員科經理，做呢份工嚟維持生活，而我有另一個夢想，就係過戲癮。之前同麥秋成合拍《愛·回家》仲獻出螢幕初吻，雖然只係點到即止，但體會到娛樂圈係咁多姿多采。」提起人夫咁興奮， Connie即戴返頭盔，「我諗湯怡唔會呷醋，因為麥秋成係好Pro嘅演員，拍前會同對手溝通好。」

林寶玉有「翻版陳法拉」稱號。

當年陳法拉行過泳裝Show。

自己都想出吓鏡
提到管理阿儀嘅工作安排，Connie最初都有啲擔心做唔嚟，慶幸都搞得掂：「公司有同阿儀溝通，會按佢意願做每件事，仲會同佢篩選工作，唔會幫佢接啲交友apps，如果佢太攰都會安排休息。」阿儀之前差唔多日日都見報，Connie就大爆阿儀出道後頭一個月就接咗20個Job爆晒騷，加埋底薪一定有5位數字薪酬，佢仲話阿儀非常滿意。帶阿儀出Job出得多，Connie都好想自己有機會出吓鏡，所以應記者要求影返輯三點式靚相，要性感冇問題，最緊要靚。