姜濤為新戲決定減少接Job Alton爆響口：佢嘅生活重心唔係錢

即時娛樂

更新時間：01:03 2021-08-25 HKT
發佈時間：15:00 2021-08-18 HKT

姜濤笑言終於學識踩單車。

MIRROR成員姜濤和王智德（Alton）、ERROR成員何啟華（阿Dee）今日出席活動，現場逼滿數百粉絲，姜濤將和毛舜筠與柳應廷合作英皇新戲，他現時正為電影作準備，也減少接新工作，講到他減少工作即減少收入，問他會否覺得肉赤？Alton即搶答指姜濤的生活重心不是錢，而是靚仔有型，又和阿Dee踢爆他終於學識踩單車，姜濤笑說：「因為新戲入面要踩單車，之前22年都冇刻意去學，噚晚終於學識，原本搵咗朋友教我，但係我自己踩踩下就學識咗。（可以約女仔去踩單車？）我仲未可以車人，之前MIRROR喺梅窩拍節目，我都冇同佢哋去踩單車。」有指新戲以花姐為藍本，姜濤稱看過劇本後覺得沒太大關係，有很多原創內容，但對角色和劇情就保持神秘，只謂很快就開拍，亦已經見過毛姐，大讚她非常好人。

鏡粉當然把握機會親近。

Alton笑稱姜濤的生活重心不是錢，而是靚仔有型。

MIRROR最近成為紐約時報的新聞人物，姜濤和Alton都表示很開心，能讓亞洲以外的人知道MIRROR，但阿Dee就揚言不開心，稱ERROR都為香港帶來不少歡樂，自嘲外地的粉絲可能偏向冰島和伊朗。姜濤早前在社交網分享Anson Lo（盧瀚霆）的醜照，他笑說：「佢冇嬲，如果嬲就唔會轉發喇，我Po咗之後都驚佢嬲，有私下問過佢，但Po 之前的確係冇問。（你串錯Edan呂爵安的英文名？）我一早知，但已經習慣咗就懶得改。」至於Alton稱各成員互相擁有大家的醜照，不需要刻意保持形象，阿Dee就表示不怕有醜照，因自己全身都是破綻。另外，阿Dee的隊友吳保錡最近捲入桃色新聞，他表示非常信任對方，「佢心情好好，好正常，問心無愧。（他有同你傾過有關新聞嗎？）冇，冇回應喇。」