【頭條獨家】老友未婚妻陳詩欣做媒人 鍾培生街邊食住雞蛋仔「選妃」
更新時間：20:14 2021-07-22 HKT
發佈時間：19:45 2021-07-22 HKT
發佈時間：19:45 2021-07-22 HKT
字體大小
究竟鍾培生同陳詩欣有咩淵源？其實去年11月向陳詩欣求婚的陳爾正，與鍾培生是識於微時的好兄弟，近年兩人都有不少生意合作。日前傍晚6點半，陳詩欣跟Joshua出銅鑼灣搵鍾培生，《頭條日報》記者於總統戲院附近的小食店門口，撞到3人拉低口罩Share一份雞蛋仔兼吹水。其間，穿印上其口頭禪「No Bullshit. Let's go.」字樣白Tee的鍾培生，邊𡁻嘢食邊Talk，仲講到一額汗，佢不停用手臂抹額頭的汗，而在旁的陳詩欣正努力劃手機中，忽然好似發現「新大陸」般Show部機畀對方睇。
鍾培生個樣真係好特別
後來記者發現，原來陳詩欣於IG朋友堆中，物色靚女又騷相畀鍾培生過目，估計是想做「媒人」幫對方牽紅線；鍾培生睇完第一張相後，把口就冇停過Non-stop咁講，未知他又發表咩偉論呢？搞到企喺隔離的女顧客露出古怪的眼神，並偷偷恥笑他。看了幾張相，鍾培生似乎對其中一個女仔感興趣，更用自己手機影低陳詩欣個Mon，隨即狂打字，唔通「心動不如行動」私訊緊對方？之後，3人步行至附近冰室飲嘢，有「香港電競之父」之稱的他一坐低就打機，最後同陳氏情侶傾多45分鐘，便獨自乘的士回家。
