【頭條獨家】日頭扮唔熟 入夜情難自禁掂手仔 何猷啟陪戰鬥格新女老銅行大運
更新時間：14:47 2021-06-25 HKT
發佈時間：21:00 2021-06-24 HKT
發佈時間：21:00 2021-06-24 HKT
字體大小
30歲何猷啟新戀情曝光後，年輕9歲的新歡Alice Chung旋即被起底，據悉她家境並不富裕，但2017年卻有錢赴英留學，其友人更爆料指，Alice中學時已是「拜金女」，初中做私影、蒲老蘭，仲一心「釣金龜」嫁入豪門。結果經朋友介紹，搭上正跟太太感情亮紅燈的猷啟，二人一撻即着，更趁疫情嚴峻，決定停學留港箍實「筍盤」！不過離婚後，猷啟與女友都愛得好低調，上周五傍晚5時許，《頭條日報》記者發現他與疑似新歡Alice，從翡翠明珠廣場步行至維園，其間見大街人來人往，兩人顯得非常避忌。
多手狂掂男友
可能擔心被途人認出，所以二人不但企到離行離迾、甚少交流，猷啟更不時四處張望，提高警覺。直至走進人煙稀少的維園，穿貼身低胸連身裙晒S字身材的Alice終於忍唔住，甜絲絲偷望男友，猷啟亦放下戒心，開始揈晒手腳係咁講，𠱁到伊人都瞇瞇眼笑。點知行到一半突然原路折返，原來係見晚飯時間肚仔餓，兩人便到總統戲院旁的餐廳醫肚。食足一小時便埋單，在等待職員拎支酒嚟時，Alice忽然手指指搞猷啟塊面，仲差啲篤中對方隻眼；入夜離開見天色昏暗，她更情難自禁當街掂吓猷啟隻手仔，相當進取！
