【繼續風騷】懶理破產迫遷夾擊韓君婷晒完胸有花收真開心

即時娛樂

更新時間：13:07 2021-05-02 HKT
發佈時間：06:34 2021-05-02 HKT

周前換上泳衣嘅君婷同老外去咗淺水灣暢游。

45歲前亞姐韓君婷(鬼妹)爆出因欠債40萬元，早前申請破產。她自辯因為早年要照顧患病母親，支付龐大嘅醫藥費才欠債，直至母親身故後，遇上疫情搞到失業，冇力抵債。幸而同係亞視出身嘅「六合彩之子」蔡國威有情有義，知道她處於谷底狀態，兩年前提出同居，入住他喺新蒲崗嘅公屋以減輕她生活負擔。君婷當時向記者稱讚蔡國威係個有情有義嘅朋友，感謝對方近兩年嘅照顧，兩人更一度傳出緋聞。

不過，近日兩人關係突然出現變化，今年1月中韓君婷向法院申請破產，之後又突然搬屋，有指韓君婷申請破產曝光後，蔡國威便問追她：「你究竟幾時搬走？」她嬲到喺好短時間內急急搬走，同時又澄清兩人「同居」關係，她只係瞓梳化做廳長，且不是白食白住，除有負擔家務，每月更有畀4位數字金額幫補家用，絕非貪小便宜，又話不想再被抹黑，再講大話去包容傷害她自尊嘅人。𠵱家搬咗出去獨居好自由，唔使再睇人面色！

昨天君婷開心收花。

君婷刪走IG同威仔嘅合照相，去年威仔喺屋企同君婷賀壽相都冇得留低。

雖然受破產及迫遷雙重打擊，但君婷卻從容面對，周前就去咗淺水灣享受日光浴，事後還於社交網一連貼出兩張泳衣照。相中，身穿米白色兩件泳衣嘅君婷，俯身大晒3吋事業線，獲網民大讚Very hot！原來今次仲有一名外籍型男作伴，在另一張相中，君婷風騷地笑晒口挨實男伴，男方就毫不忌諱地摸住她的大髀，相當親暱，她留言：「陽光普照，影相留下美好光陰。」另外日前她又打坐舒壓，昨天又手持花束開心留言：「星期六有花收真開心。」相當風騷！