【扮唔熟】聞伯樂余詠珊將離職 陸浩明祝福「同事」新發展
更新時間：19:32 2021-04-21 HKT
發佈時間：18:15 2021-04-20 HKT
發佈時間：18:15 2021-04-20 HKT
字體大小
被問到會否介意被193暗寸？6號直言：「冇乜所謂，最緊要開心好玩，開心自己的節目有人睇！」不過盈盈卻幫倒忙說：「6號Keep得好好呀，最緊要心境年輕，好似我得26歲，別人也以為我30啦！」那麼再主持《#後生仔傾吓偈》會否尷尬？6號說：「不會，我的角色似領隊，盡主持責任帶領年輕人說話，正如網友話齋，莫非兒童節目就要搵小朋友主持咩？冇乜所謂啦！」至於可有睇ERROR的節目？6號稱「咩台都睇」，但工作時間較難遷就，只要有好節目都會睇。難道ERROR節目唔好睇而冇睇？他說：「大家都畀心機做節目，互相支持啦！（唔睇ViuTV點知己知彼？）我要睇美股呀！」
追問自稱「姜糖（姜濤粉絲稱號）」的盈盈有否看姜濤的節目？她僅答：「工作忙冇乜時間睇呀！（驚姜濤Fans罵而不敢多講？）不會，自己偶像有人支持，Fans應該開心。」對於TVB直播節目《開心大綜藝》被指不好笑，身為主持的二人表示每次錄影後，也有跟志偉一起檢討，6號又認為公司會「自抽」已是新嘗試，例如C君模仿《尋人記》也很好笑，但二人承認節目有進步空間。
另提到「伯樂」余詠珊將離職，6號竟以「唔多熟」的口吻避答會否問候，他說：「公司有同事離職當然也要感謝他們的付出，祝福新發展。（即是會不會聯絡她？）可能……會問候吓嘅！」而早前TVB大股東黎瑞剛公開批評飲食節目氾濫，令有關節目全被煞停，6號自言不清楚公司有否「限廚令」，但暫未會跟肥媽再合作《食平D》系列，也贊成節目要多元化。
