港聞

娛樂

最Hit

即時

中國

國際

星島申訴王

財經

地產

生活

健康

教育

體育

大灣區

專欄

馬經

PLUS

【頭條獨家】環星娛樂牛年開turbo搞騷張國林為張偉文舉行個唱籌生活費

即時娛樂

更新時間：14:30 2021-02-26 HKT
發佈時間：00:23 2021-02-26 HKT

「環星娛樂」老闆張國林率旗下歌手出席公司新春團拜，齊齊「撈起」及切燒豬。

初四係開工吉日，「環星娛樂」老闆張國林率旗下歌手出席公司新春團拜，齊齊「撈起」及切燒豬。提到演唱會喺疫情下停頓咗一年，眼見疫情受控，張國林嗱嗱聲開turbo搞show，由「靚聲王」張偉文打頭炮開4場，讓他賺點生活費維生；9月就搞陳美齡個唱，回顧她昔日佳作。採訪：方騫平攝影：譚壹致

之前張偉文被網民影到坐輪椅出外購物，驚見暴瘦出現「筷子腳」。

喺賀年片段中，外出光顧食店嘅張偉文變得精神飽滿。

當天「環星唱片公司」相當熱鬧，除咗旗下歌手尹光、何婉盈、康華、張子丰、方俊及歌莉雅出席外，黃翊、敖嘉年、李日朗等亦聚首一堂，由老闆宣佈喜訊，包括今年會為尹光、楊立門、柳影虹、Joe Junior、葉振棠開騷，而莫旭秋及姜蓓莉除開演唱會，下月同時推出《雙雙對對》唱片。

張國林率愛將尹光(右5)、楊立門(左4)、莫旭秋(右4)跟一眾男歌手合照。

姜蓓莉(左起)、歌莉雅、康華、何婉盈、候慧寧係環星唱片女將。

陳美齡如願開周年騷
由於《張偉文演唱會DVD豪華紀念套裝》大賣，張國林食住個勢宣佈喺5月為他舉行個唱：「佢做完兩次腰椎大手術後狀況時好時壞，要入住養老院靠輪椅代步，知佢環境艱難，所以幫佢開Show。」𠵱家張偉文體重暴跌到只有80幾磅，坐喺輪椅度驚見「筷子腳」，張國林指他狀態OK，可以應付到演出，之前仲喺食店入面拍咗新春恭賀片段，着住紅色褸，精神奕奕，面口都回復飽滿！至於今年係陳美齡(Agnes) 入行50周年，一直恨開周年演唱會的她終能如願， 9月喺文化中心舉行回顧Show。另「環星唱片」為咗支持「音樂永續槳壇共享計劃」，3月份推出唱片《音樂傳盛》，翻唱《心淡》嘅黃翊去年同康子妮傳出緋聞，他強調牛年唔怕惹是非：「有時飛來橫禍好難講，都唔理得咁多。」