港聞

娛樂

最Hit

即時

中國

國際

星島申訴王

財經

地產

生活

健康

教育

體育

大灣區

專欄

馬經

PLUS

【頭條獨家】同陳楨怡郭柏妍齊派利是感新奇謝嘉怡冇時間拍拖事業行先

即時娛樂

更新時間：23:07 2021-02-18 HKT
發佈時間：23:15 2021-02-18 HKT

陳楨怡、謝嘉怡、郭柏妍期望喺牛年一炮而紅，大吉大利。

應屆香港小姐冠軍謝嘉怡（Lisa）、亞軍陳楨怡（Celina）、季軍郭柏妍（Rosita）喺大年初一返公司做新春節目。今年三人都初嚐派利是滋味，Lisa感覺好新奇，她哈哈大笑說：「𠵱家Celina同Rosita變咗係我個伴侶咁，一齊派同一個銀碼嘅利是畀人！」Lisa暫時以工作為重，暫時唔需要搵伴侶！採訪：方騫平攝影：譚壹致

謝嘉怡最想學好廣東話，打好基礎先拍劇。

陳楨怡好想同偶像王君馨拍劇，大讚對方有演技，又能歌善舞，非常全面。

大年初一，四位應屆港姐謝嘉怡、陳楨怡、郭柏妍及「友誼小姐」鄺美璇喺TVB新春節目中跟「財神」胡楓一同派利是，陳楨怡聽前輩講做藝人要派吓利是，所以亦受教，私下有派利是畀工作人員。謝嘉怡愈派愈開心，因為以往只係收利是，今年除咗感受到農曆新年熱鬧氣氛，好似多咗人生伴侶咁，成雙成對派利是畀人；郭柏妍唔覺得肉赤，因為年初一返公司未必見到好多熟悉嘅人。

郭柏妍對拍劇好有興趣，唔想拍拖住。

今屆港姐於大年初一返公司參加新春團拜，𢭃利是兼且派利是。

Lisa擇偶唔可以太靚仔
講到搵真命天子，除咗陳楨怡有男友外，Lisa同郭柏妍都話要專注事業先，Lisa說：「唔使咁快，我得25歲，咁細個唔使拍拖住，而且啱啱入娛樂圈，好想挑戰自己，𠵱家學緊廣東話。」記者讚佢可愛一定有人追，Lisa笑言，「Maybe，我唔知，都冇乜時間，有時間都同Celina、Rosita相聚啦，佢哋兩個重要過拍拖。」至於揀偶條件，她講明唔要靚仔：「我主要睇性格，太靚仔太自戀會好有問題，因為我唔係自戀狂，同呢啲人拍拖好麻煩。」而率先有機會拍劇，於新劇《白色強人II》同陳豪合作嘅郭柏妍就相當興奮，仲話獲陳豪提點，教佢點樣講對白會比較自然，𠵱家好鍾意做戲，對拍拖零興趣。陳楨怡表示同男友有共識，趁年輕將重點放喺工作上。