港聞

娛樂

最Hit

即時

中國

國際

星島申訴王

財經

地產

生活

健康

教育

體育

大灣區

專欄

馬經

PLUS

【頭條獨家】唔介意全裸拍激情戲　蘇皓兒講明露股露背乜都得

即時娛樂

更新時間：21:57 2020-07-07 HKT
發佈時間：20:04 2020-07-07 HKT

Chloe感激網民封她為「翻版周慧敏」，令觀眾更記得她。

有「翻版周慧敏」之稱的蘇皓兒（Chloe）近日首度參演無綫劇《那些我愛過的人》，身高1.66米的她憑着又Pure又True的「學生妹Look」及一雙招牌長腿，成功俘虜巴打們升呢「女神」！由歌、模界轉戰電視圈的Chloe直言豁出去，只要角色需要唔介意拍激情戲，就算全裸不露點，露靚股及玉背都得，非常搏命！撰文：黎寶倫　攝影：李維隆　髮型：Will Yu@The Attic　化妝：Melody Chiu

Chloe仍積極上戲劇、唱歌班，並希望能歌影視三棲發展。

與林文龍飾演兩父女的Chloe指對方私下不嚴肅，仲教她做戲。

前女子組合As One出身的蘇皓兒，早年憑拍檸檬茶廣告而獲封「翻版周慧敏」，由於長髮造型侷限了角色和工作，私下性格活潑外向的她索性剪短頭髮，令她接Job量更為廣泛。轉戰模界後，Chloe又踩入電視圈，首拍無綫劇《那些我愛過的人》，劇中飾演林文龍（龍爺）女兒，並跟顧定軒和李任燊有感情線，她直言未見龍爺前好緊張，接觸後發現對方好Nice，「開拍前佢都有搵我傾偈，嗰次係試拍，佢問如果改呢句對白你會點接，好彩做咗功課都答到佢，印象都OK，所以正式開拍時就冇咁緊張。（對方爆肚接唔住？）有少少，龍爺經驗豐富，我都學到好多嘢。」

劇中Chloe將螢幕初吻獻給李任燊。

在網劇《把砒霜留給自己》的Chloe大騷長腿。

三點不露
現階段Chloe主力在演戲方面發展，早前還夥小肥拍網劇《把砒霜留給自己》，此次她更突破自己演私影妹，當中亦不乏性感造型，例如跟閨密影性感吊帶睡衣照，平時晒長腿居多的她笑謂：「我都有好努力攞啲嘢岀嚟畀人睇。」問到可介意作性感演出？Chloe大方表示：「如果拍嘢就唔係好介意，我覺得角色需要都冇問題，好正常。（底線？）劇情合理嘅話都有得傾，都唔介意拍激情戲。（全裸都得？）唔露（三點）嘅全裸囉，背同Pat Pat都OK。」