港聞

娛樂

最Hit

即時

中國

國際

星島申訴王

財經

地產

生活

健康

教育

體育

大灣區

專欄

馬經

PLUS

【頭條獨家】上位小花首拍撞車戲何依婷百無禁忌話刺激

即時娛樂

更新時間：19:47 2020-06-16 HKT
發佈時間：19:22 2020-06-16 HKT

拍動作鏡頭前何依婷表現緊張。

26歲前港姐亞軍何依婷（Regina）憑處女劇《機場特警》中演網紅安安而人氣急升，特別著三點式洗車場口，樣靚身材正成為TVB新一代女神。喺新劇《陀槍師姐2020》中何依婷依然有發揮，飾演江湖大嫂的她為營救被警方追捕的黑社會頭目鄭俊弘(Fred)慘被車撞死，Regina話年輕人百無禁忌喎。採訪：方騫平攝影：李維隆

何依婷落車跑去營救鄭俊弘。

最後補返個大頭爆血死樣。

何依婷日前在《陀》劇中初嘗動作鏡頭表現好緊張。當日佢喺大角咀街頭拍一場撞車戲，首先佢要開車去救人，點知炒車被困司機位，情急下轉到前座乘客位落車，不慎被車撞死。由於要模擬畀車撞到嗰種龐大撞擊力，何依婷先被包咗厚墊嘅木頭車撞擊，再靠吊「威吔」嘅拉力，將她拉開再飛彈墮落塌塌米，最後Regina一口血漿，瞓埋喺地補返個大頭鏡頭便大功告成。

鄭俊弘拍攝槍戰狂奔，大熱天跑足幾粒鐘。

何依婷喺《機場特警》中著三點式洗車場口被網民封為新一代女神。

不過，Regina連埋跑街及試位等都拍足成日，喺大熱天時下都幾辛苦，不過何依婷冇怨言：「人生第一次吊威吔，都幾刺激，拍前心驚驚，要先做吓熱身，好彩有武指喺現場，佢哋都幫咗我好多，雖然飛彈落塌塌米撞親手肘，但只係好小事，叫順利完成嘅！」對於《機場特警》反應好，她都好想乘勢追擊：「我估唔到上次有咁大迴響，好有驚喜，係一種鞭策自己嘅力量。」就快做「老襯」的鄭俊弘(Fred)責任變大，演得更落力。當日跟劇中高級警司海俊傑拍攝街頭槍戰戲，又因親眼目擊女友慘死而情緒失控。Fred否認即將成為一家之主經濟壓力沉重，強調兩公婆會一齊承擔，就算何雁詩失意離開星夢唱片，絕對唔會影響到他同公司的關係，稍後還會出新歌。