港聞

娛樂

最Hit

即時

中國

國際

星島申訴王

財經

地產

生活

健康

教育

體育

大灣區

專欄

馬經

PLUS

【頭條獨家】舊愛惹麻煩失戀一年冇晒事　高海寧風騷開工笑晒口

即時娛樂

更新時間：22:01 2020-06-11 HKT
發佈時間：23:00 2020-06-09 HKT

Cut機後，高Ling仍搭實鄺潔楹膊頭細聲講大聲笑，好開心！

因為音樂人鄧智偉一單桃色糾紛，唔覺意踢爆33歲的高海寧（高Ling）跟男方的5年情早於去年已結束，難怪高Ling日前出席活動時，也向傳媒表示心情OK。咪以為甩拖高Ling逞強，記者前晚於銅鑼灣採訪新劇《七公主》拍外景時，高Ling全程風騷滿場飛，不單止跟台前幕後有講有笑，連離開嗰陣見到記者都忍唔住低頭甜笑，失戀?咩嚟㗎?採訪：梁志明

高Ling在拍攝現場不時撩台前幕後傾偈，心情靚爆。

高Ling拎住罐汽水都瞇瞇嘴笑。

高海寧與鄧智偉的緋聞傳足多年，雖然雙方一直冇認愛，但二人的關係早已是圈中公開的秘密。然而去年中才傳他們有結婚共識，高Ling更揚言唔排除一時衝動去註冊，但上周二（2日）鄧智偉被爆疑背高Ling偷食失婚少婦！事件曝光後，男方坦承跟高Ling於去年1月已分手，兩個月後因工作關係在港認識沈小姐，未料卻一直受到對方滋擾。突被高調爆分手，高Ling就於IG貼出黑白照並說：「從來感情事都是低調處理，而今天，只想為早已逝去的輕輕劃上句點。」並謂快樂回憶留在心裏，把悲傷的轉化成養份。

高Ling與同樣甩拖的陳瀅演對手戲，後者心情相對較低落。

高Ling換完衫離開時，見到記者即刻偷偷笑。

心情靚爆
回復單身的高Ling坦言有擔心鄧智偉，自己心情都OK。其實已分手一段時間的她早就走出情傷，前晚跟陳瀅、鄺潔楹現身銅鑼灣為無綫新劇《七公主》拍外景時，剪了一頭清爽短髮的高Ling不論戲裏戲外心情也靚到爆！當晚7時許，三人於便利店內拍攝一場講述高Ling與鄺潔楹吹水、篤魚蛋的戲份，而陳瀅就飾演一名木口木面店員。

開工狂笑
跟傳被「筍盤男友」陳家樂飛的陳瀅比較，「同是天涯淪落人」的高Ling就明顯開心得多，在未Roll機前，她與鄺潔楹一直有講有笑，連拎住罐汽水都笑到見牙唔見眼，間中仲撩吓陳瀅、工作人員傾偈，逗得大家都不停哈哈笑！臨收工前，換上牛仔褸襯黑白間條Tee的高Ling，見到有記者在場先嚇一跳，然後不禁低頭邊行邊甜笑，以笑容向傳媒表示完全未受舊愛的桃色事件影響，單身依舊好快樂。