港聞

娛樂

最Hit

即時

中國

國際

星島申訴王

財經

地產

生活

健康

教育

體育

大灣區

專欄

馬經

PLUS

【頭條獨家】34D張秀文收埋身材做節目阿Bob黑口黑面冇晒癮

即時娛樂

更新時間：23:04 2020-03-22 HKT
發佈時間：23:00 2020-03-22 HKT

因為好天收埋落雨柴，Bob生活唔成問題，四個仔女過住優質生活，亦係Bob努力工作原動力。

由林盛斌（Bob）及張秀文主持的TVB遊戲節目《你估我唔到》每集會以唔同cosplay現身，對於大部份造型都唔性感，埋沒了張秀文34D養眼身材！當事人話一啲都唔可惜，正好畀大家留意返她的內涵，但拍檔阿Bob就唔係咁睇，佢直言好冇癮。採訪：方騫平

過往張秀文喺活動上時常性感現身。

阿Bob係疫情下少咗工作變湊仔公，反而Bob嫂Pearl日日忙睇風水。

《你估我唔到》由兩位主持人走勻電視城錄影廠，尋找嘉賓睇日本短片即興玩遊戲考驗「腦力」！張秀文最難忘係劉佩玥（阿Moon）：「佢蠢蠢哋，蠢得嚟又幾可愛，最頂唔住佢由頭到尾都好賴皮，不停講：『吓？點解呀，畀我啦……』所以攞咗好多獎品，呢啲女仔真係一流，我就係少咗佢呢啲嗲嘢。」被冧暈咗的Bob附和：「佢話玄彬唔夠林盛斌好，所以一定要醒佢多份禮物啦！呢啲女仔𠱁死人。」至於煒哥外表好優雅，原來玩得好放；朱晨麗就黐黐哋，不受控，Bob笑說：「佢好代入《大醬園》，去到主景話係佢屋企，仲招待我哋入去，完全反客為主。」

Bob同公司柏檔小霖大派定心丸，承諾唔裁員、唔減薪。

期待迫爆超人衫
　　
問到阿Bob鍾意阿Moon嗲聲嗲氣定似秀文咁好身材嘅女仔？阿Bob即說：「一定係要身材啦，Moon一定唔夠秀文勁，平日喺私人宴會見到秀文着性感晚裝，但節目入面就包到實，冇晒癮！」張秀文指阿Bob對她冇晒邪念：「唔怪得佢錄影時猛話好眼瞓啦，原來冇刺激。佢對我仲客氣好多，有時叫佢一齊自拍，佢就黑面hea答：『影乜鬼呀，嗱嗱聲返去換衫啦！』」不過，阿Bob預告兩人稍後會着超人衫，呢件衫陳敏之曾經着過，所以着喺張秀文身上有逼爆感覺，好勁，亦好期待，張秀文坦言條拉鍊好難拉。