港聞

娛樂

最Hit

即時

中國

國際

星島申訴王

財經

地產

生活

健康

教育

體育

大灣區

專欄

馬經

PLUS

【頭條獨家】唔慣同李施嬅談情海俊傑靠太太製造機會

即時娛樂

更新時間：18:04 2020-03-19 HKT
發佈時間：17:56 2020-03-19 HKT

劇中海仔演的聲紋專家「施見賢」，會狂追法醫「Dr. Man 」。

相隔20年，海俊傑重返娘家演出收視劇《法證先鋒IV》演聲紋專家「施見賢」，太耐冇拍港劇，海仔都話最初好唔慣，特別是工作時間比內地劇較長，不過他笑言最唔適應反而是拍談情戲，更指跟劇中女友李施嬅合作會緊張，竟然要他太太出手叫兩人情人節撐枱腳培養感情，難怪兩人最近首度合唱新歌《二次緣》時會特別合拍啦！撰文：杜淑霞攝影：梁志明服裝：DEGAIA

17年，海仔與拍拖5年的化妝師莫家慈（Effie）結婚。

海仔在《二次緣》的MV中，再次發揮演技。

海仔笑言在內地發展時嘆慣，每日都準時收工，所以最初拍《法證》時好唔適應，好彩一班對手都好幫手，特別是黃浩然，「多謝浩然有場屋企戲，我個腦已經實晒，嗰日啲對白又難，佢見我拍到暈暈哋，就叫我出去唞唞氣，困獸鬥咁好多個鐘頭，真係會講唔到㗎！」

海仔和李施嬅合唱新歌《二次緣》，MV好有戲劇性。

早前海仔聯同公司的師弟妹，一齊落區派口罩。

新歌難宣傳
不過講到最唔習慣，海仔竟然是拍住李施嬅會緊張，「我近年喺內地好多時做殺手、英雄、好cool嘅賭王賭神、或者揸槍好Chok嗰啲，真係好似好耐冇談情，同太太又老夫老妻，追女仔嗰啲唔係太記得，真係唔記得咗點樣拍拖，所以施嬅成日叫我放鬆啲，唔好咁緊張。」極之信任海仔的海太莫家慈（Effie），更鼓勵他約施嬅情人節去拍拖，認為夠膽，「舊年情人節我同施嬅拍緊呢套劇，嗰日早收工，施嬅順路車埋我過海，咁啱太太搵我，因為佢喺內地做緊嘢，仲話如果施嬅嗰日冇街去，叫我哋去拍吓拖喎！哈哈！得談笑，當然冇實行啦！（證明太太好信你？）冇啦！我仲會出去識女仔咩。」

講到跟施嬅初次合唱新歌《二次緣》，海仔話估唔到拍檔咁唱得又勤力，但可惜因疫情唔能夠周圍宣傳，「首歌其實仲有國語版，或者等疫情過去，我哋再返內地宣傳，𠵱家最緊要大家都安全。」