叱咤5強丨陳蕾自覺不可思議張天賦8強止步自勉前路漫長

更新時間：19:05 2021-11-26 HKT
發佈時間：19:15 2021-11-26 HKT

MC、陳蕾和洪嘉豪

陳蕾、MC（張天賦）、洪嘉豪及朱鑑然今日在中環出席手錶宣傳活動。陳蕾在叱咤樂壇「我最喜愛的女歌手」成功打入五強，她直言既開心又感到意外，她說：「投票時，見好多人為我留言，嗰一刻我先去諗，我會唔會入到5強呢？去年我就12強止步，依家已好驚喜，今年進步咗很多，我已經好滿足。（想再進一步奪獎嗎？）要到宣布嗰刻先知邊個攞到，呢樣對我嚟講已經係好不可思議（殺入五強），所以唔敢抱太大希望。」

問到是否加入了唱片公司後得到很大幫助？陳蕾表示公司一定有功勞，她感激公司給予資源之餘，還不會給予壓力，讓自己有很大自由度，她說：「生活過得好開心，從而散發出開心嘅感覺，可能因為咁，令更多人都喜歡我。」

MC自言還有好長嘅路要行，唔需要太急攞獎。

朱鑑然

另一邊廂，MC（張天賦）未能打入「我最喜愛的男歌手」5強，他表示雖然8強止步，但已經很開心，他說：「慢慢嚟啦，我仲有好長嘅路要行，唔需要太急，而且其他對手已出道幾年，而我只係首年出道。」雖然未能晉級，但MC覺得反而可以集中精神，為下月推出的新碟及音樂會做好準備，他說：「之前同洪嘉豪一齊搞音樂會，但當時自己患上重感冒，足足病咗一個星期，所有工作都停晒，所以我都唔敢再畀自己病，否則又會影響到工作。」