港聞

娛樂

最Hit

即時

中國

國際

星島申訴王

財經

地產

生活

健康

教育

體育

大灣區

專欄

馬經

PLUS

【頭條獨家】社會氣氛緊張唔敢周圍去周汶錡屋企附近親子樂

即時娛樂

更新時間：20:45 2019-11-25 HKT
發佈時間：21:30 2019-11-24 HKT

周汶錡最後屈服，要買玩具給大仔。

45歲名模周汶錡（Kathy）與法籍丈夫Julien Lepeu育有4歲大仔Jacques和2歲半細仔Avner。Kathy不時在ig大晒兩個寶貝仔的得意相，而佢亦最鍾意帶兒子周圍去玩，亦試過抱仔去中環Shopping。近日社會氣氛緊張，家住港島南區的她，日前下午零妝街坊Look帶大仔Jacques到淺水灣揀玩具送畀朋友。見佢入舖唔使15分鐘就揀中兩盒Lego模型，豈料Jacques見到大盒車車玩具勁Like，揸住唔肯放手，兩母子爭論咗5分鐘，最後靚媽要向「自稱乖」的兒子投降，苦笑畀錢。採訪：張詠森、李維隆

周汶錡與興奮拿着戰利品的大仔一齊離開。

周汶錡曾帶兩子到深灣遊艇會玩樂放電。

Kathy自誕下兩個寶貝仔後，為咗專心湊仔而減少工作，不過她的ig就好精彩，經常po出兒子萌爆得意相，見佢最鍾意帶住囝囝周圍去，至愛去親子好去處如淺水灣及深灣遊艇會玩，等兩個仔可以放吓電，佢就乘機放鬆吓。佢仲經常去銅鑼灣Shopping，每逢轉季必去利園入貨，更會帶埋好黐佢嘅囝囝一齊Shopping。可惜近月社會氣氛愈見緊張，加上空氣質素問題，好多父母都唔敢再帶小朋友去旺區，Kathy亦唔例外。

罕見素顏現身
家住南居的她，早前一身街坊Look兼激罕素顏帶住大仔Jacques去淺水灣買玩具，不過唔係買畀囝囝，而係想揀模型送畀朋友。見佢入到店內即除低黑超慢慢睇，睇咗一陣，已揀咗4盒模型，然後好小心咁用手機上網再Check清楚型號啱唔啱，確實無誤後就叫職員幫她包起兩盒。此時也在店內睇玩具的Jacques，拿着大盒車車玩具給Kathy看示意要買，但Kathy睇兩睇就放低冇理佢。期間Kathy發現有記者影相，急急戴番副超遮住個素顏樣。

周汶錡不時被影到在銅鑼灣利園掃貨。

周汶錡每逢出席活動，打扮同妝容都好「行」。

兒子扭買玩具
等職員包好模型後，Kathy想畀錢之際，Jacques再度「發功」𦧲媽咪買玩具。兩母子爭論咗大約5分鐘，最後Kathy都心軟投降，店員都偷偷地笑。Jacques興奮拿着車車玩具到收銀枱，Kathy苦笑拿出信用咭找數。Jacques𦧲買玩具成功，即開心拿着有佢一半身高咁大嘅玩具走人。離開時問Kathy兒子係咪扭計？她反問：「你話呢？（你好似唔係好贊成佢買？）但佢話佢乖喎。」然後兩母子便在店外等司機接送返家。