Alice面試時已被花姐直指「有少少似朱茵」。《全民造星IV》昨晚播出第6集，除咗有18歲Candy同20歲Ivy So兩位仙女對戰之外，原來仲有一位「紫霞仙子 」，就係今年22歲的文員許寶恆(Alice)。Alice一出場就令好有睡意的阿祖眼前一亮，花姐仲直指Alice似朱茵。正式表演時，Alice以校服Look跳唱冇氣版《SHOW YOU》，仲搵嚟兩位dancers伴舞，好似好專業咁。雖然非常唔唱得，跳又好似未食飯咁，不過勝在靚女加有活力，獲得三位評判歡心，成功以三盞紅燈晉級60強，並加入梁祖堯隊伍。正式表演選擇跳唱《SHOW YOU》。不過綵排時被花姐鬧「係咪自殺」。Alice個IG都有好多相，發現佢特別鍾意著小背心，雖然冇勁爆身材，但有樣又後生露吓膊同手臂，囝囝應該都狗衝㗎嘞。不過最後三盞紅燈晉級。Alice平時好鍾意著小背心。又係小背心，今次露埋腰。吊帶褲加小背心。
