李靜儀跟陳穎欣嘈完沒不和承認SG各有各忙好少見

更新時間：20:23 2021-11-03 HKT
發佈時間：20:45 2021-11-03 HKT

SG成員各有各忙甚少見面。

女子組合Super Girls（SG）成員李靜儀（Heidi）出席活動，她表示因疫情已有兩年沒到日本旅行，但也有跟家人Staycation，亦開拓了行山及踩Roller的興趣。她說：「細個有玩過踩Roller，雖然識得溜，但唔叻，依家相隔十幾年玩返，我識得後溜啦！」有感香港好少室內Roller場，Heidi曾想過投資開店，直至最近發現認識一間新場的老闆，笑謂有意入股或一世可以入場免費玩。

Heidi想入股Roller場免費入場玩。

提到隊長趙慧珊（Aka）於ViuTV節目《晚吹—有酒今晚吹》飲多兩杯後表示，好掛住以前5個女仔一齊時光。Heidi謂沒看節目，但她也懷念5位成員一起的時候，不過一個人工作亦有開心之處。她坦言成員各有各忙也少見，就連約Aka到她家中玩都講了4年才去到。提到她跟陳穎欣（Yanny）為爭御用音樂監製陳考威而鬧不和，令Aka好自責，Heidi說：「Aka係隊長，如果有乜問題會擺自己度，有乜事就承擔。（跟Yanny和好？）嘈完就冇嘢啦！依家真係少機會見到，大家喺手機群組都會聯絡。」