譚俊彥禁囝囝買《魷魚遊戲》衫：唔想咁細個接觸到血腥
更新時間：18:13 2021-10-30 HKT
發佈時間：18:45 2021-10-30 HKT
發佈時間：18:45 2021-10-30 HKT
字體大小
譚俊彥透露昨日（29日）已跟子女扮鬼扮馬慶祝萬聖節，他說：「我冇同小朋友一齊去玩，但早前已經陪佢哋買咗萬聖節服裝，當時有好多韓劇《魷魚遊戲》嘅圓圈同正方形符號嘅衫圍住我，阿仔想伸手去攞，但畀我制止，唔好啦！夠啦！因為整件事好血腥，我唔想小朋友咁早接觸到。」他又透露近日接送子女上學，不時會被其他家長用眼神由頭探望落腳，之後便會說：「真係好似（李政宰）。」
對於拍檔鄧佩儀被指難相處，問有沒有安慰對方？譚俊彥說：「唔係真事唔需要多講，都知佢好唔開心。但人哋唔一定要讚你，負面新聞一定係個開始，某程度要用你更加努力去演戲，去令大家認同你。」他還稱無論讚或彈都是好事，起碼知道自己從中可以怎樣改善。
