陳嘉桓唔識游水玩滑浪勁手震余曉彤重提火燒潛水學校心痛落淚

更新時間：14:10 2021-10-07 HKT
發佈時間：14:30 2021-10-07 HKT

梁諾妍與余曉彤。

梁諾妍（Inez）、余曉彤（Hidy）主持的香港開電視新節目《碧波遊浪記》，周六（9日）晚播出的一集更邀來陳嘉桓（Rose）擔任嘉賓，齊齊感受水上遊的樂趣，期間不諳水性的Rose更膽粗粗試玩電動滑浪板的滋味，不過要在海中爬上滑浪板都絕非易事，Rose經歷多次失敗後，幾經辛苦才成功爬上滑浪板。事後Rose表示：「好攰，但好好玩，當有浪嘅時候，感覺好正，好似坐快艇咁，不過依家玩完，我隻手有啲震。」

Rose唔識游水但著上救生衣就敢玩水上運動。

新節目《碧波遊浪記》。

Hidy就分享了創辦兩年的潛水學校被大火吞噬的感覺，重提舊事時，她仍忍不住在鏡頭前傷心灑淚。原來在去年9月，她的潛水學校遭雷電擊中，發生一場大火，短短15分鐘，將她的心血燒得一乾二淨。她流淚表示：「好似發夢咁，傷心咗3日，嗰3日乜都唔想搞，淨係喊，到之後去清理現場，當時嘅味道同畫面，我到依家都唔會忘記，好傷心。直至有個朋友同我講，雖然潛水學校燒咗，但我所有嘅Skill（技術）、經驗，仍然留喺自己度，冇人可以取代到，嗰刻我先諗通咗。」