糖妹百變造型展現自信　葉佩雯動用私伙做幕後軍師

更新時間：18:12 2021-09-30 HKT
發佈時間：01:00 2021-10-01 HKT

斜肩裝展現輕熟女一面。

糖妹最近忙到爆，除《勁歌金曲》主持之外，正拍攝電視劇《四十二章經》和《童時愛上你》，加上獲得傑出藝人獎，糖妹亦吸引多個廣告商垂青，其中醫美中心代言的造型照，更令大家眼前一亮。其清新輕熟女斯文靚女形象，在拍攝期間，大家都覺得糖妹有點像全智賢。有機會做免費Facial，她自言好開心：「凌晨接外景，冇乜瞓覺，仲要曬太陽，皮膚好容易變乾，有得急救做Facial就可以靚返晒，人都自信啲。」

配搭前衛，原來Grace是幕後軍師。

Eric和Grace與糖妹今年認識。

糖妹主持《勁歌》的形象愈來愈有型，原來全靠拍檔Eric Kwok的太太葉佩雯（Grace）親自操刀。糖妹很感激Grace仗義幫忙：「今年認識Eric兩公婆係緣份，Grace係一位好好嘅姐姐，佢知道我適合着咩衫，畀咩我着令我靚啲，更幫我認清自己嘅優點同缺點，令我『叮』一聲，發現自己喺造型上原來仲有咁多可能性。」

Grace則說：「造型上幫佢邊試邊玩，冇乜壓力。我哋係朋友，溝通上易好多。都幾得意嘅，我會攞我啲私伙首飾出嚟畀佢襯吓，我真係有好多『豬耳繩』，所以唔使吓吓買，攞我嗰啲畀佢拼搭吓啲衫，幾好玩。」