193被心理學家睇穿逃避網民攻擊即場爆喊爆粗

更新時間：20:35 2021-09-25 HKT
發佈時間：18:00 2021-09-25 HKT

節目設定原先由193輔導阿Dee，希望他不要在意網民批評。

男團ERROR成員之一郭嘉駿（193）早前因出言寸TVB，結果被網民力捧，但其後又因在網上公開鬧在其網店買衫兼要求退錢的顧客，遭受網民攻擊。本身在英國讀心理學的193近日為YouTube頻道ACOO擔任心理學家，對象是他一直認為很在意外界評語的隊友何啟華（阿Dee），193坦言自己亦曾很在意外間的聲音，及後選擇不看不聽，他說：「我當初太在意別人評論，如果我唔亂講嘢，就唔會將真實嘅諗法講出嚟，就唔會有今日咁多人follow我哋，唔會咁多人翻睇ERROR啲舊片！」

要阿Dee面對牆上貼滿的comments。

初時193聲稱不介意網民攻擊。

不過，其實在場有另一位心理醫生Natalie，她觀察後反指193其實依然在意評論，為此193謂：「我就係在意，所以我唔睇，唔睇就唔需要在意，我就活得開心啲，呢個係我自己得出嚟嘅結論。」由此看得出193只是選擇逃避，並非去面對現實。

Natalie隨後播出193當年參加ViuTV節目《全民造星》中演唱《我的快樂時代》片段，193隨即開始喊兼爆粗：「又播呢啲片？X街。我睇番我係另一個我，唔係當初嗰個我。好似最近我去紅館做嘉賓，我聽番都覺得自己唱得幾好，同當初嗰個我真係完全唔同咗，但人哋可以一句嘢抹煞你，可以話：『你都係因為一句寸咗隔籬台就紅咗！』佢哋抹煞咗我呢三年嘅努力，所以我先唔想睇啲咁戇X嘅comment，因為我知道自己入面係啲咩，所以都希望我身邊嘅人唔好介意呢啲comment，唔好被影響。」