黃偉文為Anson Lo新歌撰文稱超難寫原因：先天限制多多

更新時間：13:23 2021-09-23 HKT
發佈時間：12:30 2021-09-23 HKT

填詞人Wyman撰長文解釋「近10年最難寫嘅作品」的原因。

「教主」Anson Lo（盧瀚霆）昨日推出新歌《Megahit》，新歌今次找來黃偉文（Wyman）出手，而日前他曾經在IG表示此曲是「近10年最難寫嘅作品」，當新歌推出MV後，他在IG撰長文解釋要克服的地方並不是時間和心機，而是覺得最主要的困難是demo裡原有的英文「像聲字」出現得特別頻繁，簡直分佈在全曲各個重要位置：「先講理論上應該最 hooky的C段，Boom Boom Boom只得四粒音之後就是Bang Bang Bang，換言之，填詞人只得四個字把這兩組像聲字有意思地連貫起來（還未說到那些散佈世界各地五步一樓十步一閣的Uh-Oh Uh-Oh Uh-Oh和口哨聲），即是說，詞人「可填」的地方很少，又要保存像聲字在它們原有天然的位置而又要make sense，已是一種難度。中英不斷轉換時，還要發音順口意思流暢。」

Wyman又稱為了聆聽者的「順耳」感覺，有幾個有像聲字或ad-lib的段落也被局限了押韻：「例如為了好聽啲，Uh-Oh Uh-Oh Uh-Oh要盡量押個『好』『高』的韻，Bang Bang Bang最接近的粵音韻腳我覺得是『想』『央』，係呀為咗效果好，中英都要互相rhyme聽起嚟先爽㗎，所以先天這首歌『不能動』的限制就多多，當然，歌詞的構思、趣味、文法、佈局等等『基本』也是不能妥協的。」

Wyman因為心軟，最後決定：「去盡啲，送多個『乒鈴嘭唥』畀你賀賀佢！」

教主留言感謝Wyman。

不少人讚新歌勁洗腦！

鄭欣宜

後來Wyman稱問過監製和同Anson Lo：「唔keep晒所有像聲部份得唔得，保留到嘅盡量保留，但係留返個彈性比（畀）我，必要時唔要一啲，填埋廣東話，就易寫好多，story-telling 方面又無咁多限制，咁又好唔好？」結果因教主真誠回覆：「但如果keep得晒，排舞會好排啲得意啲，隻舞出嚟一定會好睇好多喎。」於是令Wyman又心軟了：「想滿足晒佢所有願望，就辛苦啲都keep晒所有Boom Boom Bang Bang了（唔只咁，一不做二不休，去盡啲，送多個『乒鈴嘭唥』畀你賀賀佢𠻹）！不敢說成果怎樣怎樣，但都盡力了，希望大家喜歡這個通過『碰撞』而產生進步產生愛的故事，無論在歌裡歌外。」Anson Lo亦有在Wyman的長文post下留言：「多謝亦辛苦了你的『心軟』好喜歡這份詞的concept！」Edan亦留言說：「超洗腦啊！」

另一方面，MV在昨晚首播後，至今已逾38萬觀看次數，成績可觀，「神徒」的熱血又豈止反映在MV觀看次數上呢，事關Anson Lo 在MV中所乘車輛的車牌號碼「AL7795」也成為亮點，很多Fans表示想購得該車牌號碼，可惜在網上一經搜索，發現早已有人捷足先登，正在申請上述車牌號碼。