《造星》Loser復活戰名單曝光大姨媽星叡Travis又嚟

更新時間：16:54 2021-09-21 HKT
發佈時間：17:00 2021-09-21 HKT

其實細貓唔使玩啦，又返韓國訓練，玩咩。

玩全女班的《全民造星IV》正舉行中並將於11月播出，而《造星》一班囝囝亦參加咗由hmvod有份主辦的《敗者重生戰LOSER REBORN》，新聞稿就咁樣講嘅，「第一屆ViuTV嘅《全民造星》有99名參賽者，結果有16位參賽者分別組成MIRROR同ERROR，成為兩隊香港天團。餘下嘅參賽者，依然有人堅持，懷住初心繼續追逐自己嘅夢想！」因為咁，網上大型實況綜藝節目《敗者重生戰LOSER REBORN》就此誕生。

王雍泰直接出道都得啦。

究竟點樣Reborn法?《造星》及《造星III》嘅19位Loser將會進行復活戰，並由導師趙學而、徐天佑、小肥、Mastamic、小三及Yem教授唱歌、Rap、跳舞及演戲等技巧，重生戰的節目音樂總監由年輕音樂奇才Gareth.T（湯令山）擔任，曾於《造星》擔任評判的張建聲負責節目總監製一職。真人騷共拍20集，最後10位學員將會飛去韓國produce 101嘅訓練基地Lionheart Media Group進行特訓，Win咗就有機會出道做藝人。

據知20位 Loser除咗已曝光嘅《造星》總決賽分別排第七嘅應智越（細貓）及第6名嘅王雍泰（龍志權），仲有《造星》20強嘅羅啟聰（狗毛）、管鋈（Wayne）、彭嘉桓（Moley）、張匡佑（Jason）、40強王焯南（Louis）、溫明龍（Zero）及第一輪已Foul但喺《造星III》入圍十強及在總決賽排第十嘅鍾諾言（NY）外，本報亦收到風《造星》55強嘅大姨媽陳君浩（BU）、40強嘅黃星叡（星叡）、30強嘅施詠輝（大輝）、20強嘅范浩賢（Neal）、謝家俊（OT）及分別參加過《造星》及《造星III》嘅歐國成(Travi)等亦有份玩。

就一班《造星》囝囝玩重生戰聯絡《造星》之母花姐，睇吓佢有咩忠告，但暫未回覆。主辦單位將於明日舉行記者會，《敗者重生戰LOSER REBORN》暫定嘅19位參賽者及五位導師將會出席。