參考開拍管理層真人騷揭秘　王祖藍：拍出嚟好睇到不得了

更新時間：16:59 2021-08-31 HKT
發佈時間：23:00 2021-08-31 HKT

祖藍對有提議拍管理層真人騷，笑言要其他管理層同意。

王祖藍今年2月回巢出任TVB「首席創意官」，主力做管理工作。他日前由內地返港，趁隔離期間與馬來西亞女主持顏薇恩及潘毖伶於IG開直播，三人傾了接近個半小時。不少網友提到祖藍的經典作《老表，你好嘢》，他卻自爆只剩與蔡卓妍（阿Sa）合作的電影《給我一天》未上映，之後將會息影：「冇演出啦！呢啲全部都係我嘅遺作，仲剩一套同阿Sa兩年前拍嘅電影，到現在都未出街。嚟緊我都冇作品啦，做咗管理工作之後，我哋呢啲老人家都冇㗎啦，最緊要培育下一代，無謂阻住個地球轉。」

《老表，你好嘢》是祖藍的經典作品。

祖藍與阿Sa兩年前合作的《給我一天》未上映。

於直播中，潘毖伶提到荷里活近年流行拍管理層真人騷節目，問祖藍跟TVB管理層可會考慮？祖藍笑言：「首先呢樣嘢要其他管理層同意，如果其他高層都畀埋你睇，就真係好睇喇！咁多年TVB高層嘅謠傳係咪真？點樣雪藏一個人呢？我以前點被人雪藏？點樣加人工？點樣減騷錢？我終於知道點解，嗰啲拍出嚟真係好睇到不得了，但我真係接受唔到囉！」