姜濤忽然向Anson Lo講「對不起」。MIRROR成軍接近3年，12子感情愈來愈好，不介意互窒兼開對方玩笑。繼早前呂爵安（Edan）貼出演唱會大家在台上勁樣衰相片後，姜濤今日又在IG Story上載一張Anson Lo（AL）跳舞跳到走晒樣的相片，姜B稱自己對不起AL，但實在忍不住Post相：「但這個真的太好笑了」。原來相片是由呂爵安（Edan）發出，留言：「這是我認的教主嗎？」之後兄弟你一言我一語，Jeremy笑言：「哇，這個是浮屍」，Edan：「表情之鬼」，姜濤：「你塊面都幾鬆」，再加個哈哈笑表情emoji。原來是Edan放相，但原來姜濤將Edan的名字串錯「Eden」。嘩！又真是幾好笑。被圍攻的可愛「教主」即時反擊，秒速於限時動態開post笑問四子是否想開戰，並貼出多張疑似是四人瞓覺的醜態照片，不過「教主」相當識做，以表情符號遮樣，並大方表示： 「今日大家要學懂一件事，凡事留一線，日後好相見，still love you guys 」，不少網民都紛紛留言，期待看這四張相片。兄弟完全唔畀面。Anson Lo狂貼兄弟的樣衰圖，但全部用emoji遮面。另一邊廂，Edan亦加入戰團於IG回應Anson Lo : 「冤有頭債有主，我開心share冇諗過公開㗎，要搞搞姜大佬好啦」，隨後更向姜濤詐型:「識咗三年，到而家都串錯我做Eden 」，而一向低調的Stanley 亦不禁表示: 「姜濤真係心機（地）唔好，我幫你話佢! 」認真搞笑。呢位係邊個？頭髮也亂了。
