【有洋蔥】前半生被困無良繁殖場林柏希悼念愛犬：爸爸最錫你

更新時間：10:33 2021-08-15 HKT
發佈時間：07:00 2021-08-15 HKT

樂樂的前半生都被困在無良的繁植場內，不停生BB。

曾任新城電台副台長的林柏希（William）近年進軍飲食界做公關總監，日前他在社交網撰寫千字文，悼念剛離世的愛犬樂樂，字裏行間感受到他的心酸不捨。他寫著：「樂樂喺睡夢中離開了，返咗去天堂做小天使。由佢身體狀況急轉直下到離開世界，前後不足二十四小時，咁就一世，好突然好急，我完全無諗過會失去佢，畢竟我收養佢仲差大半個月才五年，太短了。」

樂樂的好姊妹洋洋，看來也變得沒精打彩。

林柏希與樂樂只相處了不夠5年。

原來樂樂的身世好可憐，前半生的六年時間，被困在無良繁殖場中被迫生BB，所以身體一直好多毛病，直到獲林柏希收養，牠才能擁有一個安樂窩。但一開始，樂樂並不接受這位「爸爸」，林柏希說：「我記得你2016年9月8日初來我家時對我不瞅不睬，只係跟住工人姐姐，又唔肯食嘢又唔吠，我當時好擔心，以為你無聲音又驚你生活得唔開心，直至你開始肯食我餵嘅糧，開始肯跟住我周圍行，仲要喺廁所門口等我，我就知道你終於肯承認我呢個爸爸啦，好感動。」

樂樂來到林柏希屋企時，身體已經很差。

好不容易才接受「爸爸」林柏希。

很多人覺得樂樂被收養，是牠好彩，但林柏希反而覺得是自己的福氣：「因為樂樂，令我學懂如何做一個盡責嘅主人，及如何無條件付出愛心，佢令我返到屋企覺得温暖，有佢愛護我，痴住我，需要我，依賴我，撫慰我嘅內心深處。」他自言有段時間沒有正職，也是因為有樂樂陪伴，才讓他不致胡思亂想，「老老實實，係我需要佢多過佢需要我。」

樂樂雖然已離世，但林柏希揚言仍會堅強面對，又會好好照顧樂樂的好姊妹洋洋，並為自己加油：「我會繼續努力生活，Life must go on，我知道你唔想我哋唔開心，我盡量唔喊，但一定會好掛住你，你永遠都會活喺我心裏面，保重，爸爸最錫你。」黃智賢、廖碧兒、洪卓立等都有留言安慰。