【分享會】欣賞吳孟達誇張演技周潤發：依個就係佢嘅角色

更新時間：14:29 2021-08-08 HKT
發佈時間：21:00 2021-08-07 HKT

發哥出席由莊文強主持的分享會。

周潤發今日獲浸會大學頒授「榮譽人文學博士」後，隨即出席由莊文強主持的分享會，與200多位浸大學生分享多年來的拍戲心得。一向風趣的發哥提到自己之所以得到台前幕後的愛戴，原來是因為時時「萬歲」，自爆當年在TVB不見天日拍劇時，不時會自掏腰包與台前幕後邊拍邊「巴別橋」(BBQ），次數之多連盧海鵬也忍不住問：「你哋成日講條橋，其實係邊？」場面爆笑。

例牌動作，發哥拎機與學生們自拍。

發哥與學生分享拍戲心得。

每次收到劇本後，發哥都會分析每一場戲，他表示好似拍攝《無雙》時，由於角色是虛，但他要做到實，要呃到觀眾，「我會喺劇本做啲mark，記得大學拍嘅一場，要到第二、三個take 至捉到導演嘅感覺，有時對白寫同講唔一樣，要化成角色口吻，所以每場我都重新寫對白、再做一次俾導演睇，要做足準備，電影關乎到我前途、收入，好緊要，仲關乎到香港電影，支持香港電影係要俾啲心機。」
發哥又說拍攝時要放下身段，有時新導演會震攝於有經驗演員，所以演員就要以謙虛態度去協助導演，演員職責希望導演成功，即使遇到不能溝通，不太理想的劇本，都要做好自己的角色，其他事情不要多理，更指很欣賞吳孟達，「你覺佢演出好誇張、但依個就係佢嘅角色。」